Ertzaintzak zaintza areagotuko du tratu txarrak jasandako emakumeek babes neurriei uko egiten dietenean
Eusko Jaurlaritzako Segurtasun Sailak indarkeria matxistaren biktimak babesteko protokoloa aldatu du, eta, aurrerantzean, Ertzaintzak zaintza areagotuko du emakumeek babes neurriei uko egiten dietenean. Izan ere, uste dute emakumeak babes neurri bereziak errefusatzea erasotzailearekin duen mendekotasunaren erakusle dela, eta, ondorioz, biktimak duen arriskua handiagoa dela horrelakoetan.
Josu Erkoreka Segurtasun sailburuak iragarri du aldaketa, Eusko Legebiltzarreko kontrol saioan, PPk eta Voxek egindako bi galderari erantzunda. Aurrena, Laura Garrido popularrak eta, gerora, Amaia Martinez Voxeko kideak joan den astean Gipuzkoako indarkeria matxistaren biktima batekin gertatutakoaren inguruan itaundu diote sailburuari. Gogora ekarri dutenez, Gipuzkoako Foru Aldundiaren babespean zegoen emakume bat tutoretzapeko egoitzatik atera zen bere erasotzailearekin eta 10 hilabeteko haurtxoarekin batera. Ertzaintza euren bila ari da, baina jada muga zeharkatu dutela egiaztatu du.
Garridok eta Martinezek salatu dute Gipuzkoako kasu hau Maialen Mazonen hilketa gertatu eta sei hilabetera jazo dela. Bikotekide ohiak hil zuen ustez 32 urteko emakumea, Gasteizen, haren kontrako urruntze agindua indarrean zegoela. PPko legebiltzarkidearen aburuz, indarkeria matxistaren biktimak babesteko protokoloak eguneratu egin behar dira "hutsuneak saiheste aldera". Gogorrago mintzatu da Martinez, eta esan du Segurtasun Sailak "erantzukizuna bere egin" behar duela, "akats larria" izan baita bi kasuetan.
"Erasotzaileekiko menpekotasun handia"
Biei emandako erantzunean, Erkorekak zehaztu du Gipuzkoako kasuan Ertzaintzak "berehala eta ofizioz" zabaldu zuela ikerketa, eta oraindik ere gertatutakoa aztertzen ari direla. Sailburuak ez du ikerketaren emaitzen inguruko xehetasunik eman nahi izan, baina, aurreratu duenez, bi kasuetan "emakumeek ez zuten Poliziarekin kolaboratu nahi".
Erkorekak azaldu duenez, biktima batek bere erasotzailearengandik babesteko neurriak (urruntze aginduak, adibidez) errefusatzen dituenean, harekiko mendekotasunak egon daitezke tartean: emozionalak, ekonomikoak, seme-alabak... Mendekotasun hori biktimarentzat arrisku faktore bat izan daitekeela ulertuta, zaintza areagotuko du Ertzaintzak.
Bi arlotan lan egingo dute agenteek, Erkorekaren esanetan. Batetik, kontrazaintza lanak areagotuko dituzte. Bestetik, erasotzaile matxistei kontrol telematikorako eskumuturrekoa jartzeko aukera dagoen aztertuko dute. Dena dela, azken horren harira, sailburuak aitortu du "konplexutasun juridiko handia" duela eta sakon aztertu behar dutela aukera hori.
5.588 emakume zaintzapean
Protokolo aldaketaren berri emateaz gain, azarora arteko indarkeria matxistaren datuak eman ditu Erkorekak. Zehaztu duenez, gaur-gaurkoz 5.588 emakume babesten ari da Ertzaintza (ekainean 5.107 ziren, lau hilabeteko epean % 10 hazi da, beraz), 2.712, Bizkaian; 2.019, Gipuzkoan; eta 857, Araban. 10etik 7k oinarrizko babesa dute, eta % 20k "moderatua". 297 kasu larriak dira, hau da, arrisku handiko edo bereziko kasu gisa erregistratuta daude eta intentsitate handiko babes-neurriak dituzte.
42 emakumek dute bizkartzain pertsonala, 229k poliziaren kontratzaintza eta 224k baliabide telematikoak darabiltzate.
Oso kasu bakanetan ezartzen zaizkie kontrol-neurriak gizon matxistei; hala, 92 gizasemek bakarrik dute kontrol telematikorako eskumuturrekoa (36, Bizkaian; 19, Araban; eta 37, Gipuzkoan).
Zure interesekoa izan daiteke
Lukas Aguirreren hilketagatik zigor handiena duenak helegitea aurkeztu du, homizidio delitu gisa epaitu dadin
Defentsak Auzitegiari eskatu dio 20 urteko zigorra murriztu dezala, argudiatuz hilketa borrokaldi baten testuinguruan jazo zela eta akusatuak politoxikomaniaren muturreko koadro bat zuela. Donostiako erdiguneko diskoteka baten kanpoaldean gertatu zen, 2022ko abenduaren 25eko goizaldean
Pisako emaitzak hobetzeko autoexijentzia eta Hezkuntza Sistemarekiko konfiantzaren alde egin du Pedrosak
Radio Euskadiko Boulevard saioan egin dioten elkarrizketan Begoña Pedrosa Eusko Jaurlaritzako Hezkuntza sailburuak azaldu duenez, ikasleen irakurketa gaitasuna hobetzeko neurriak ezartzen ari dira ikastetxeetan, PISA txostenaren emaitza txarren ondorioz.
Nafarroako bizilagun bat identifikatu dute Internet bidez debekatutako armak saltzeagatik
Guardia Zibilak webgunea behin-behinean blokeatu du, eta titularra administrazio-zehapena jartzeko proposatu du.
Bonelli arranoa itzuli da: bi kume jaio dira eta itxaropena berpiztu da Nafarroan
Urteetan, Bonelli arranoa desagertzeko zorian egon da Araban eta Nafarroan. Ale berriak ekarri dituzte eta bertakoekin ugaldu dira. Kumeak izan dituzte, bi, Nafarroan: Ida eta Ondallu.
Eusko Jaurlaritzak euskara babes bereziko kultura ondasun immaterial izendatzeko prozesuari ekin dio
Ekimen horren bidez, euskarari "prestigio handiagoa eta aitortza juridiko eta administratibo sendoagoa" eman nahi dio.
Berriro itzali dute Derion, Loiuko aireportutik gertu, berpiztu zen sutea
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean jardun dira goizaldera arte.
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.