Bilboko estetika zentru bat ikertzen ari dira zuhurtziagabekeriazko hilketa gertatu ote zen argitzeko
Bizkaiko Auzitegiak berriz ere irekiko du ustezko zuhurtziagabekeriazko giza hilketa delituagatik Bilboko klinika estetiko baten kontra hasitako prozedura eta beste autopsia bat egingo diote 2019an, ilea jartzeko prozedura batean ondoren, hil zen gizon bati.
Ile txertaketren ondoren hil zen 39 urteko kantabriar baten familiak salaketa jarri zuen bere garaian Bilboko "Dermitek" zentruaren aurka. Auzitegiak hasiera batean kasua artxibatzea erabaki zuen baina senideek helegitea jarri ostean, kasua berrirekitzea erabaki du bere garaian ez zelako zehaztu "heriotzaren arrazoia". Heriotza anestesiak edo gaixotasun hereditario batek eragin zuen argitu nahi dute.
Autoak jasotzen duenez, 2019ko apirilaren 26an, 39 urteko gizona klinika horretara joan zen inplantea egitera. Prozesuan, bihotzekoa izan zuen eta Bizkaiko ospitale batera lehenik, eta, Santanderko Maques de Valdecillara eraman zuten gero. Hurrengo egunean hil zen.
Biktimaren lau anai-arrebak ordezkatzen dituen akusazio partikuarrak autopsia berri bat eskatu du. Kantabriako Auzitegi Medikuan egin zioten lehenak zioen posible zela heriotza "arrazoi naturalengatik" gertatu izana eta biktimak "Brugada Sindromea" delako gaitza izatea, ez zeudelako proba nahiko heriotza anestesiarekin lotzeko.
Txostenean jaso zuten, era berean, sindrome hori hereditarioa dela eta hildakoaren senide gertukoenek "proba egitea komeni" zitzaiela. Probak egin ondoren, baina, anai-arreba guztiek negatibo eman zuten eta horregatik, autopsia berri bat eskatu dute, heriotza argitzeko.
Hildakoaren senideek uste dute akatsen bat izan zela prozedura medikuan
Hildakoaren senideek uste dute anestesia ematerakoan akatsen bat izan zela.
Bizkaiko Auzitegiaren autoak dio badirela arrazoiak kasua berrirekitzeko, heriotzaren arrazoi zehatza jakitea beharrezkoa delako prozeduran parte hartu zuten profesionalek ardurarik izan ote zuten edo ez argitzeko.
"Argitu beharra dago hildakoak sindrome hori zuen ala ez" dio ebazpenak eta horretarako, gordeta diren odol laginak berraztertzeko eskatzen du baita auzitegiko medikuaren txostena sakonzea ere.
Auzitegiak gogorarazten du deliturik egon den edo ez ebazteko ezinbestekoa dela heriotzaren arrazoi zehatza argitzea, orain arte egin ez dena.
Zure interesekoa izan daiteke
Eusko Jaurlaritzak EHuri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.