1457 istripu izan ziren iaz Bilbon, 2014tik jazotako kopuru txikiena
33 pertsona larri zauritu ziren iaz Bilbon, hiribilduko errepideetan gertatutako 1.547 istripuetan, Bilboko Udalak gaur jakitera eman duen trafiko ezbeharren balantzearen arabera.
Horietako bat, 71 urteko gizonezkoa, hil egin zen istripua izan eta egun batzuetara, baina heriotzaren kausa ezbeharra bera edo beste bat izan ote zen ikertzen ari dira.
Horrez gain, 562 pertsona arin zauritu ziren.
Udalak ohar batean azaldu duenez, erregistroak daudenetik zenbatutako biktima kopuru txikiena da 2023a (2020ko datua, pandemia urtekoa, kenduta betiere). Ezbehar kopuruak ere behera egiten jarraitzen du, eta 2014tik marka ezarri zuen iazkoak (hemen ere 2020ko eta 2021eko datuak kontuan hartu gabe).
Istripu gehienak, ia % 60, ibilgailuen arteko elkar jotzeak dira. Harrapatzeak ezbeharren % 7 baino ez dira, baina ondorio kaltegarrienetakoak dituen istripu motetako bat izaten jarraitzen dute. Iaz 109 harrapatze izan ziren Bilbon, eta 112 pertsona zauritu ziren horietan.
Santo Domingorako bidea, puntu beltza
BI-631 errepidea, Ibarsusi-Agirleta, da, alde handiarekin gainera, istripu gehien erregistratu dituen errepidea: guztira, 49. Tarte handira, honakoak ageri dira: Gordoniz kalea eta Zumalakarregi etorbidea (biak, 27 istripurekin), Autonomia kalea (25), Kale Nagusia (23) eta Agirre Lehendakariaren etorbidea eta Urkixo zumarkalea (21na ezbehar).
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.