Castro Urdialesen hildako emakumearen seme nagusia sei hilabetez zentro itxian sartzea agindu du epaileak
Santanderko Instrukzioko 5 zenbakiko Epaitegiko titularrak, guardian diharduenak, bart Castro Urdialesen hilda agertutako emakumearen seme nagusia sei hilabetez erregimen itxian sartzea erabaki du, Kantabriako Adingabeen Fiskaltzak eskatu bezala.
Arratsaldean emandako aginduan, epaileak behin-behineko erabakia hartu du, beste hiru hilabetez luza daitekeena, ikertutako 15 urteko adingabeak ustez hilketa delitu bat egin duelako.
Adingabea Parayaseko Gazteentzako Gizarte eta Hezkuntza Zentroan sartuko dute, iturri judizialek jakitera eman dutenez.
Goizaldean atxilotu ondoren, gaztea Adingabeen Fiskaltzaren esku utzi dute gaur eguerdian. Adingabeen Epaitegiari atxikitako talde teknikoak aztertu du, eta txostena egin du. Ondoren, Fiskaltzak deklarazioa hartu dio, eta gero, kautelazko barneratze-neurri bat hartzeko eskatu dio Epaitegiari, hilketa delitu zantzuak daudela iritzita. Eskaera hori jasota, Santanderko Guardiako Epaitegiak —entzunaldi-ordutegitik kanpo Adingabeen Epaitegiaren funtzioak bere gain hartzen ditu— agerraldi bat egin du arratsaldean, adingabea bertan zegoela. Talde teknikoak gaztearen egoeraren berri eman du, fiskaltzak kautelazko neurria hartzea eskatu du, eta alde guztiak ados agertu dira horrekin.
Anaia, 13 urtekoa, gertakarietan nahasita egongo litzateke, baina ezin da auzipetu 14 urte baino gutxiago dituelako. Beraz, adingabeak babesteko zentro batean sartu dute, fiskalak hala aginduta.
Castro Urdialesen bizi zen 48 urteko emakume bizkaitarraren gorpua asteazkenean agertu zen, 20:45 aldera, indarkeria zantzuekin eta auto baten barruan ahoa estalita, bizi zen Monte Cerredo kalean. Emakumeak zeladore egiten zuen lan Gurutzetako ospitalean.
Hasieratik baztertu zen genero-indarkeria izan zitekeela, eta bilaketa-dispositibo bat zabaldu zen bi adingabeak aurkitzeko. 02:00 aldera aurkitu zituzten herriko Cotolino parkean. Guardia Zibilak horietako zaharrena atxilotu zuen, heriotzaren egilea zelakoan, eta biak Adingabeen Fiskaltzaren esku geratu ziren.
Susana Herran Castro Urdialeseko alkateak Radio Euskadin esan duenez, "atsekabetuta" daude albiste lazgarri honekin, eta baieztatu du ez zegoela familia horren inguruko salaketa edo gorabeherarik.
Castro Urdialeseko Udalak hiru dolu egun ezarri ditu. Ildo horretan, banderak haga erdian jarriko dituzte, eta asteburuko inauteri ospakizunak bertan behera geldituko dira. Gainera, Udalaren eta herritarren elkartasuna helarazi die hildakoaren senideei, eta errespetua eskatu du ama-semeentzat.
Zure interesekoa izan daiteke
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.