Euri erauntsiek ia edukieraren % 90era igoarazi dute urtegien maila
Atzoko prezipitazio handien ondorioz, Hego Euskal Herriko urtegiak euren edukiera maximoan dira, batez beste % 90ean. Hala, Ullibarri Ganboakoa ura askatzen hasi da 04:00etan, % 88,91ean baitzegoen, eta asmo dute abiadura segundoko 30 metro kubikoraino azkartzea Zadorra ibaiaren egoerak onera egin duela ikusita.
Irati Fernandez Urizar Uholdeen Prebentziorako Teknikariak adierazi duenez, EAEko urtegien egoera ona da. "24 ordu hauetan Ullibarri eta Urrunaga urtegiek metatu duten urarekin Gasteizko ur-hornidura bermatuta dago urte baterako", gaineratu du.
Urrunagako urtegiarekin batera (% 88,53) Gasteiz eta Bilbo urez hornitzen dituen Arabako urtegi horrek. Biek Zadorra ibaira botatzen dute ura, eta atzokoan ia beteta zeuden arren, uhateak itxita eduki zituzten atzo, Gasteizen uholdeak saihesteko. Halere, Batan ibaiak gainezka egin zuen hiriburuaren hegoaldean.
Ebroko Konfederazio Hidrografikoak emandako datu eguneratuen arabera, Ullibarri Ganboaren maila itsas mailatik 545 metroan dago. 24 ordu eskaseko tartean, asteleheneko 18:00etatik astearteko ordu berera, 16 hektometro kubiko pilatu ziren, hots, Gasteizek urtebetean kontsumitzen duen uraren pareko. Hori horrela, edukieraren %79 izatetik % 86,7ra igo zen.
Gipuzkoako urtegietan ere egoera antzekoa da, eta Añarbekoa % 90,13an dago. Donostia eta inguruko herriak urez hornitzen ditu urtegi horrek. Horregatik, hustu egingo dute egunean zehar, maila egokira itzultzeko. Izan ere, metroko koadroko 60,9 litro ur bildu zituen astelehenean, eta 95,9 litro asteartean.
Nafarroan, Esakoak gertu du maila gorena: % 95,38an baitago. Gainerakoak, Allotzekoa kenduta (% 87,03), % 90eko edukieratik gora daude: Eugi (% 92,30) eta Itoitz (% 90,45).
Zure interesekoa izan daiteke
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.