Emakumeen salerosketaren aurkako lege proiektua onartu du Espainiako Gobernuak, biktimei eskubideak emateko
Espainiako Gobernuak emakumeen salerostekoaren kontrako legearen aurreproiektua onartu du gaur, Emakumearen Nazioarteko Egunean. Arauak biktimak jarriko ditu erdigunean, eta eskubideak aitortuko dizkie. Gehienak egoera irregularrean heltzen diren atzerritarrak dira, eta legeari esker, ez dituzte Estatutik kanporatuko, bizitoki eta lanerako agiriak emango dizkiete eta laguntzak jasoko dituzte, salaketa aurkeztu gabe ere.
Ana Redondo Berdintasun ministroak eman du egitasmoaren ildo nagusien berri, prentsaurrekoan. Aurreko legealdian aurkeztu zen proiektua da berez, baina ez zuen aurrera egiterik izan.
Legeak emakumeen salerosketa mota guztiak izango ditu jomugan: lan esplotazioa, sexu esplotazioa, derrigortutako ezkontzak egiteko salerosketa, organoak eskuratzeko salerosketa...
Aurreproiektua da onartutakoa, eta beraz, oraindik kontsultarako erakunde batzuen oniritzia behar du (Botere Judizialaren Kontseilu nagusia eta Fiskalen kontseilua, besteak beste). Bien bitartean, salerosketen biktimekin lanean ari diren elkarteekin lantaldea osatuko duela iragarri du Redondok, emakumeok behar dituzten neurriak "hobeto zehazteko".
"Legeak ez du asmo zigortzailerik. Prebentzioan, sentsibilizazioan eta biktimen babesean dago oinarrituta. Emakumeen salerosketaren mota guztiei egin nahi die aurre, hala eskatzen baitute Varsoviako eta Istanbulgo hitzarmenek eta nazioarteak", nabarmendu du.
Dokumentazioa, laguntzak eta bestelako eskubideak
Berdintasun ministroaren arabera, biktimei bizitoki eta lanerako behin-behineko baimenak jasotzeko eskubidea aitortuko diete. "Oso garrantzitsua da, emakume hauek beldurrak jota bizi baitira; babestu eta lagundu behar ditugu", erantsi du.
Halaber, egoera irregularrean dauden emakumeak ez dituzte Espainiako Estatutik kanporatuko, eta salaketa aurkezten ez badute ere, hainbat eskubide eta laguntza aitortuko dizkiete, hala nola, bizitzeko gutxieneko diru-sarrera jasotzeko aukera, etxebizitza publiko bat eskuratzeko lehentasunezko taldeko kide izatea, lege aholkularitza eta kalte-ordainak (salerosketa sareei atzemandako ondasunen kontura).
Bestalde, Redondok azaldu du ministroen kontseiluak berdintasunarekin lotutako beste neurri batzuk hartu dituela. Hala, "Bai bakarrik da bai" legearen 42. artikulua garatzeko konpromisoa hartu dute, tratu txarren biktimek jasotzen dituzten laguntzak sexu indarkeriaren biktimen esku ere jartzeko.
Horrez gain, Estatuko Administrazio Nagusian jazarpen eta abusuaren kontrako protokoloa berritu dute.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.