Gizon bat atxilotu dute Bilbon arma zuriz bi pertsona larri zauritzeagatik
Ertzaintzak gizon bat atxilotu du Bilbon, borroka batean bi pertsona arma zuri batez zauritzea leporatuta. Horietako bat, liskarrarekin lotutako beste zauritu batekin batera, Basurtuko Ospitalera eraman behar izan dute, zauriak sendatzera.
Goizaldeko laurak baino lehentxeago jaso du Ertzaintzak abisua, Bilboko erdiguneko aisialdirako lokal baten inguruan izandako borroka batean hainbat pertsona zauritu direla esanez.
Bertaratutakoan, patruilek egiaztatu dute bi gazteri arma zuri batekin eraso dietela, eta horietako batek premiazko osasun-arreta behar zuela. Egindako lehen ikerketen arabera, biktimek eztabaida izan dute erasotzailearekin, eta hark objektu zorrotz batekin eraso die, ihes egin aurretik.
Bestalde, osasun-langileek borrokan parte hartu duen hirugarren biktima bat ere artatu behar izan dute.
Agenteek beharrezko informazioa eskatu dute erasotzailea identifikatu ahal izateko, eta handik gutxira aurkitu dute, liskarra izan den tokitik gertu.
Gertakarien larritasuna ikusita, susmagarria atxilotu eta ertzain-etxera eraman dute, beharrezko eginbideak egitera.
Atxilotua, 37 urteko gizon bat, arma zuriz egindako lesio-delitu bat egotzita ikertzen ari dira, eta datozen orduetan utziko dute Bilboko Guardiako Epaitegiaren esku.
Biktimei dagokienez, horietako bi Basurtuko Ospitalera eraman dituzte, larri.
Zure interesekoa izan daiteke
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.
Hasi dira sanferminak, giro ezin beroagoan
Clint Jean Louis Fernandez eta Araceli Sergio Aguilera Tafallako Larrialdi Zerbitzuko zuzendariordeak eta ZIU mugikorreko erizainak jaurti dute txupina eta piztu dute jendez lepo zegoen plaza.