Sevillan kamioi batek harrapatuta hildako sei pertsonetako bi Bizkaikoak ziren
Sevillan kamioi batek harrapatuta hildako sei pertsonetako bi Bizkaikoak ziren. Horietako bat, guardia zibila, 36 urteko barakaldar bat da, eta beste bat, zibila, Bizkaian bizi zen jatorri marokiarreko 20 urteko gaztea, harrapatutako auto batean zihoana. Istripuan, gainera, beste guardia zibil bat eta beste hiru zibil hil dira. Ezbeharra AP-4 autobidean gertatu da, Los Palacios parean, kamioiak polizia-kontrol baten aurka talka egin duenean.
Hildako bi guardia zibilak Gasteizko Ekintza Azkarreko Taldekoak (GAR) ziren, eta larri zauritu diren lankideekin batera, narkotrafikoaren aurkako operatiboetarako eginkizunetan ari ziren.
Gidaria berehala atxilotu dute, eta negatibo eman du alkohol- eta droga-probetan. Utrerako instrukzioko epaitegi batek gidaria behin-behinean, komunikatuta eta fidantzarik gabe espetxeratzeko agindu du. 59 urteko gidariari zuhurtziagabekeriagatiko sei giza hilketa eta zuhurtziagabekeriagatiko hiru lesio larri egotzi zaizkio.
Institutu Armatuko iturriek jakitera eman dutenez, ezbeharra astearte honetan gertatu da, 04:40 aldera, ibilgailu artikulatu batek polizia-dispositiboa harrapatu duenean.
Kontsultatutako iturriek baztertu egin dute nahita harrapatu izana. Istripuaren nondik norakoak ikertzen diren bitartean, Trafikoko Zuzendaritza Nagusiak (DGT) logura edo beste distrakzio bat aipatu du arrazoi nagusitzat.
Antza denez, kamioiaren gidariak agenteen seinaleak jaso ditu, eta, bat-batean, bazterbidera desbideratu da. Ondorioz, GAReko lehen hiru ibilgailu ofizialak eta dispositiboaren barruan zeuden beste bi auto zibil harrapatu ditu.
Barne Ministerioak sei pertsonen heriotza deitoratu du eta doluminak bidali dizkie biktimen senideei.
Zure interesekoa izan daiteke
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bakion ostiraletik desagertuta dagoen 14 urteko neska baten bila ari dira
VOST Euskadik 14 urteko Olaiaren desagerpenaren berri zabaldu du. Adingabea uztailaren 31n ikusi zuten azkenekoz Bakion, eta baliteke Bilborako autobusa hartu izana. Haren inguruko informaziorik duenak 112ra deitzeko eskatu dute.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.