Munduko eraikin ezagunenek argiak itzaliko dituzte larunbatean, Planetaren Orduan
WWF (World Wildlife Fund) gobernuz kanpoko erakundeak planetari ordubeteko tartea ematea proposatu du, larunbateko (martxoak 23) itzalaldiaren atariko gisa. Horretarako, 60 minutuz jarduera jasangarri eta positibo batean parte hartzera gonbidatu du "mundua".
Planetaren Ordua ekimena Sydneyn (Australia) jaio zen 2007an, klima aldaketaren ondorio larrien inguruan kontzientziatzeko. Horregatik, urtero, martxoko laugarren larunbatean mundu mailako itzalaldi bat deitu ohi dute, 20:30etik 21:30era, eta, orain arte, hiri garrantzitsuenetako udaletxe, enpresa eta etxebizitzek ere egin dute bat horrekin orain arte.
Gobernuz kanpoko erakunde horren arabera, inoizko urterik "beroena" izan da aurtengoa, eta horrek muturreko fenomeno meteorologikoak ekarri ditu: uholdeak, beroaldiak, suteak...
Horrela, WWFk "handinahia piztu eta premiaz erantzun beharra" dagoela esan du, planetaren berotzea eteteko eta ingurumenaren "hondamendia" saihesteko.
Hego Euskal Herriak bat egin du iItzalaldiarekin
Besteak beste, Bilboko, Donostiako, Gasteizko eta Iruñeko Udalek bat egingo dute Planetaren Orduarekin, eta larunbatean hiriburu horietako eraikin nagusietako argiak ordubetez itzaliko dituzte.
Iaz, 200 herrialdetako 500 udal batu ziren ekimenera, eta "milioika lagunek ere amatatu zituzten beren etxebizitzetako argiak", Bilboko Udalak nabarmendu duenez.
18 edizio
Esan bezala, hemezortzigarren edizio honek proposamen bikoitza dakar berarekin: 60 minutuz eraikin ezagunenetako argiak itzaltzea, eta hitzordua heldu baino lehen, banaka zein taldeka, ekarpen txiki bat egitea, denbora banku bati "ordu bat oparituta".
"Denborak du baliorik handiena", nabarmendu du WWFk, eta 60 minutuan zerbait lortzea "hutsala" dirudien arren, milioika pertsonarentzat inspirazio iturri izan daiteke Lurraren alde "aletxo bat" jartzeko beharraz jabetzeko borrokan.
Lehenengo edizioan, 2 milioi lagunek egin zuten bat ekimenarekin, eta % 2,1 eta % 10,2 artean aurreztu ziren argiak itzalita soilik. Bi urte geroago, 2009an, 400 hiri eta 35 nazio batu ziren iniziatibara, eta aurten 200 bat herrialdek hartuko dute parte.
Zure interesekoa izan daiteke
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.