Zabalik da 2024ko Sanferminetako txupinazoa botatzeko hautagaitzak aurkezteko epea
Astelehen honetan (maiatzak 6) zabaldu da 2024ko Iruñeko Sanferminetako txupinazoa botatzeko hautagaitzak aurkezteko epea. "Sanferminetako Mahaiak proposatuko du eta herritarrek aukeratuko dute", esan du Iruñeko Udalak.
Parte-hartze prozesurako ezarritako araudiaren arabera, Sanferminetako Mahai Orokorrean ordezkaritza duten taldeek hautagaitza bana aurkezteko aukera izango dute (pertsona bat edo talde bat); proposamenarekin batera, kontuan hartzeko merituak zeintzuk diren azaldu beharko dituzte idatzi batean.
Proposatutako pertsona edo talde horrek maila sozialean, kulturalean, akademikoan edota zientifikoan egindako ekarpenarekin zerikusia izan behar dute aurkeztuko diren merituek. Alderdi politikoek zein ordezkari politikoek ezingo dute hautagaitzarik aurkeztu.
Aurrena, Batzorde Tekniko batek aztertuko ditu hautagaitza guztiak, eta behin galbahe hori igarota, maiatzaren 22an Sanferminetako Mahai Orokorrera helaraziko da zerrenda. Han, bozketa bidez, bost hautagaitza aukeratuko dira.
Ondoren, Udaleko web orrian emango dira ezagutzera bost finalistak zeintzuk diren, eta maiatzaren 27tik aurrera herritarrek botoa emateko aukera zabalduko da, ekainaren 9ra arte.
Iruñean erroldatuta dauden 16 urtetik gorako herritarrek izango dute bozketan parte-hartzeko aukera. Hiru modu egongo dira horretarako: hiriko Civivox bulegoetan egongo diren hautestontzietan, 010 Herritarren Arretarako Telefonoaren bidez eta Udaleko web orrian ipiniko duten estekara sartuta.
Zure interesekoa izan daiteke
26 urteko emakume bat larri zauritu da Lerinen izandako trafiko-istripu batean
NA-122 errepidean gertatu da ezbeharra. Antza, ibilgailua bidetik atera da eta hainbat itzulipurdi eman ditu.
Maider Etxebarriak hiriko proiektuen balantzea egin du, Andra Mari Zuriaren jaien atarian
"Urte emankorra izan da hiriarentzat", adierazi du Maider Etxebarria Gasteizko alkateak. Hurrengo erronka Andra Mari Zuriaren jaiak dira. 400 ekitaldi baino gehiago daude programatuta datozen egunetarako.
Jaurlaritzak "erantzukizun argiak" dituen "egiturazko migrazio plana" eskatu die Espainiari eta Europari
Melgosa sailburuaren hitzetan, Ceutan gertatutakoa "oso larria da" eta Eusko Jaurlaritza aspalditik ohartarazten ari den zerbait berresten du: "migrazioak aspaldi utzi zion egoera koiuntural bat izateari".
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.