Zumaian hildako adineko emakumearen zaintzailea erruduna ez dela ebatzi du epaimahaiak
2020ko azaroan Zumaian (Gipuzkoa) hildako adineko emakumearen zaintzailea erruduna ez dela ebatzi du epaimahaiak, leporatzen zaiona baieztatzeko froga nahikorik ez dagoela argudiatuta. Gauzak horrela, epaimahaiak aske utzi du akusatua arratsalde honetan, Gipuzkoako Probintzia Auzitegian berediktoa irakurri ondoren.
Epaimahaiak zaintzailearen defentsak egindako errugabetasun-tesia onartu du, eta baztertu egin du egitateak nagusitasunaren astungarriarekin egindako erailketa-delitua izan zitezkeenik, Fiskaltzak zioen bezala. Ministerio Publikoak 22 urteko kartzela-zigorra eskatzen zuen auzipetuarentzat, hilketa egotzita.
Hildakoaren familiak ez du haren aurkako kargurik aurkeztu. Adineko emakumearen semeak epaiketan esan zuen "agerikoa" zela emakumearen bizi-kalitatea gero eta okerragoa zela, eta auzipetua haren "laguntzailea" zela azpimarratu zuen. Testuinguru horretan, berediktoa emateko orduan haren adierazpenak gogoan izateko eta erabaki zuzena hartzeko eskatu zien epaimahaikideei.
Gertakariak 2020ko azaroaren 21eko gauean jazo ziren. Orain, epaimahaiak "ez frogatutzat" jo du egun hartako 23:00ak aldera auzipetuak ahoa eta sudurra estali zizkionik biktimari, biak bakarrik zeudela, arnasa hartzea galaraziz.
Autopsia egin zuten auzitegiko-medikuek epaimahaiaren aurrean egindako deklarazioan ukatu egin zuten adineko emakumearen heriotza ustekabekoa izan zela. Gainera, baztertu egin zuten 91 urteko emakumeak bere buruaz beste egin zuenik, erabateko mendekotasuna baitzuen. Defentsaren arabera, ordea, lo zegoen oheko segurtasun-barren kontra jotzean hil zen.
Profesionalek, ukatu egin zuten adineko emakumearen asfixia ustekabekoa izan zenik, eta "asfixiaren bitartez" eragindako "heriotza bortitza" izan zela adierazi zuten. Norbaitek, eskuekin edota objektu batekin itxi zizkion arnasbideak.
Hain zuzen ere, adineko emakumearen gorpuan topatutako hainbat zantzu aztertu ostean bermatu zuten ondorio hori. Auzitegiko-medikuek "asfixiarekin" bateragarriak izan zitezkeen marka hemorragiko batzuk atzeman zituzten. Halaber, eskuekin egindako presioarekin bateragarriak diren lesio batzuk aurkitu zizkioten ahoan.
Horrez gain, aurpegian eta buruan "lesio ugari" zituela egiaztatu zuten, hala nola eskuineko begian kolpe bat, higadurak eta atzaparkada bizia belarri baten atzealdean. Gertaeraren tokian izan ziren profesionalen arabera, odol ugari zegoen etxe hartan.
Orain, emakumea itota hil zela onartu du epaimahaiak, baina ez du uste egoera hori hirugarren pertsona baten esku-hartzearen ondorioz gertatu zenik. Hala, ez du "behar bezala frogatuta" ikusi biktima ito zutenik, eta egoera hori "arrazoi naturalengatik" gertatu zela adierazi du. Horrez gain, epaimahaiak ez du "ziurtasun nahikorik" izan biktimak zituen lesioak nola gertatu ziren jakiteko.
Gauzak horrela, adineko emakumearen zaintzailea aske geratu da, leporatzen zaiona baieztatzeko froga nahikorik ez dagoela argudiatuta. Auzipetua aske utzi ondoren, hildakoaren semeak besarkada estua eman dio emakumeari, Gipuzkoako Auzitegitik irtetean.
Zure interesekoa izan daiteke
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.