EAEko hamar herritarretik zazpik espero dute Jaurlaritza berriak politikak "asko edo dezente" aldatzea
EAEko herritarren % 72,4k uste dute Eusko Jaurlaritza berriak "asko edo dezente" aldatuko dituela azken urteetako politikak, azken DeustoBarometroak adierazi duenez; izan ere, lehen aldiz osasun-arreta da arazo garrantzitsuena, inkestatuen % 48k kezka nagusien artean aipatzen baitute. Osakidetzaren batez besteko balorazioa 10etik 4,4 puntukoa da, azken hamarkadako baxuena.
Dena dela, lehen postu horren maila berean agertzen dira prezioen igoera eta bizitzaren kostua, biztanleriaren % 48k ere aipatzen baititu beren kezken artean; inkestatuen % 26k diote erosteari utzi edo mugatu egin dutela beren ohiko dietako elikagai batzuren erosketa.
Horiek dira Deustuko Unibertsitatearen ikerlanaren udaleko alearen ondorioetako batzuk. Guztira mila inkesta egin dituzte online, eta azterlanaren ondorioak asteazken honetan aurkeztu dituzte Maria Silvestre eta Braulio Gomez proiektuaren zuzendariek, eta Iratxe Aristegi ikertzaileak.
Segurtasunarekiko kezka hirugarren posturaino igo da (% 24k aipatzen du) eta herritarren % 38k uste du polizia eredu berri bat beharrezkoa dela, nahiz eta % 45 egun dagoenarekin konforme egon.
Gobernu berriari begira, aldatu beharreko premiazko politikak liratezke, alde batetik, Osakidetzaren hobekuntza (% 61,8) eta, bestetik, etxebizitzarako sarbidea hobetzera bideratutako (% 35,2) politikak.
Inkestatuen % 68,2k lanaldi-murriztuaren alde egin du, bestalde, eta herritarren % 65,5ek baino gehiagok uste dute etxebizitza-merkatuan esku-hartze bat egon beharko litzatekeela, alokairuei mugak ezarriz.
Albiste gehiago gizartea
Aurkikuntza arkeologiko oso garrantzitsua Iruñean: Barbazanako dorrearen barruan dagoen Kanonigoen atea
Iruñean, arkeologia aurkikuntza berria bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Bertara bisita gidatua egiteko aukera du nahi duenak.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.