Iruñeko Udalak protokoloa aktibatu du sanferminetan izandako sexu-eraso batengatik
Igande goizaldean Iruñeko Alde Zaharrean izandako sexu-eraso bat ikertzen ari da Foruzaingoa, eta, ondorioz, Iruñeko Udalak aktibatu egin du "Sanferminetan izandako eraso sexisten aurrean herritarrek eta erakundeek erantzuteko protokoloa".
Horrez gain, Udaleko Bozeramaileen Batzordeak erasoa gaitzesteko adierazpen instituzionala adostu du.
Udalak ohar baten bidez jakinarazi duenez, protokolo hori "emakumeenganako indarkeria mota guztiak desagerrarazteko Iruñeak duen konpromisoaren irmotasuna erakusteko sistema bat da, indarkeria horrek egiturazko desberdintasun egoera bati erantzuten baitio".
Bestalde, Joseba Asiron Iruñeko alkateak salatu egin du sanferminetako lehen egunean izandako sexu-erasoa, jaietako lehen egunean izandako gertakari "larriena" baita. Foruzaingoa auzia ikertzen ari dela berretsi du, eta ez du xehetasun gehiagorik eman.
Iruñerriko Mugimendu Feministak elkarretaratzea deitu du igande honetako 21:30erako Gazteluko plazan, azken eraso hori eta emakumeek oro har pairatzen dituzten egoerak eta "etengabeko erasoak" salatzeko.
Bestalde, lau gizon atxilotu dituzte Iruñean, sanferminetan izandako bi sexu-eraso egotzita, Iruñeko Udaltzaingoak, Foruzaingoak, Polizia Nazionalak eta Guardia Zibilak igandeko 09:30 arte zabaldutako datuen arabera. Hainbat emakumeri sexu-ukituak egitea leporatu diete atxilotuei.
Albiste gehiago gizartea
Gizon bat atxilotu dute Portugaleteko taberna batean beste bati aizkoraz erasotzeagatik
Atzo 20:00etan gertatu zen erasoa. Biktimak zauriak ditu eskuetan eta bizkarrean.
Albiste izango dira: Saretzen txostena, PSNren krisia eta Errefuxiatuen Mundu Eguna
Gaurkoan albiste izango direnen laburpena, bi hitzetan.
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.