Espainiako Gobernuak 50 milioi eskaini dizkio Kanarietakoari adingabe migratzaileak artatzeko
Espainiako Gobernuak 50 milioi euroko aurrekontu-partidak bideratuko ditu urtea amaitu baino lehen, Kanarietako Gobernua konpentsatu ahal izateko inoren kargura ez dauden adingabe migratzaileen arreta-gastuei aurre egiteko. Erabaki horrek Kanarietako presioa nolabait "arintzeko" balioko du, baina ez auziari irtenbidea emateko.
Espainiako Gobernuko presidente Pedro Sanchezek eta Kanarietako presidente autonomiko Fernando Clavijok ostiral honetan egin duten bileraren ostean, Lurralde Politikako eta Memoria Demokratikoko ministro Angel Víctor Torresek iragarri du PPrekin eta gainerako talde parlamentarioekin lanean are tinkoago jardungo dutela atzerritarren legea aldatzeko, adingabeak autonomia-erkidegoen artean banatzea derrigorrezkoa izan dadin, hori baita, Torresen ustez, Kanariak, Ceuta eta Melilla arintzeko "irtenbide bakarra".
Gaur egun, lege-esparruak ezartzen du migratzaile adingabeen tutoretza autonomia-erkidegoei dagokiela, ez Espainiako Gobernuari, horri adinez nagusi diren migratzaileak artatzea eta autonomia-erkidegoen artean banatzea baitagokio. Bestela esanda, egungo legeen arabera, Kanarietara iristen diren adingabeak ezin dira beste erkidego batzuetara bideratu, adinez nagusi direnekin egiten den gisan.
Bilera ostean, Fernando Clavijo Kanarietako presidenteak azaldu du bere ustez Sanchez jabetu dela Kanarietan bizi duten egoeraz, baina ez du ezkutatu 50 milioi eurotik gora behar direla adingabeei arreta emateko gastuei aurre egiteko. Adingabeen eskubideen defentsa koordinatzeko "herrialde mailako akordio bat" behar dela azpimarratu du, kontua ez baita soilik ekonomikoa. Abuztuan, adibidez, Kanariek 60 adingabe gehiago jaso dituzte, eta udazkenean itsasoa hobetzearekin harrera-sareak gainezka egin dezake berriro. Hori dela eta, lege-aldaketa "premiazkoa" dela adierazi du.
Torresek aitortu du bileran ez dela esplizituki hitz egin adingabeak bideratzeko errege lege-dekretu bat onartzeari buruz, baina, bere ustez, arazoa da ez dagoela Kongresuan halakorik onartzeko nahikoa babesik. 2018an lege-dekretu bat onartu zela gogorarazi du, baina ez zela bete, borondatezkoa zelako.
Ildo horretan, uztailaren 23an Kongresuan lege-proposamena tramitera onartzea ukatu zenetik talde parlamentarioekiko harremana ez dela "eten" esan du, eta PPk babes horrekin bat egitea espero du. "Aurrera egin eta formulak bilatu" ahal izateko, "konponbidearen aldean jartzeko, ez arazoarenean", eskatu die popularrei.
Tramiterako onarpenak porrot egin zuenean "bakarrik eta abandonatuta" sentitu zirela onartu du Clavijok, baina azpimarratu du bera ez dela "amore ematekoa". Adierazi duenez, Kanarien aldarrikapena "justiziazkoa da", ezin duelako presio hori "bere kabuz" jasan, eta argi utzi du "kosta" egiten zaiola sinestea desadostasunak "lauzpabost eserialdirekin" konpondu ezin direnik.
Horren hitzetan, "ez da arazo politikoa, ezta lurraldearena ere; gai humanitarioa da".
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.