EAEko Auzitegi Nagusiak ebatzi du Donostian udaltzain izateko ez dagoela euskaraz B2 maila eduki beharrik
Donostian udaltzain izateko euskara jakitea ez dela beharrezkoa berretsi du EAEko Justizia Auzitegi Nagusiak, eta Administrazioarekiko Auzietako Donostiako Epaitegiak abenduan esan bezala, udaltzain guztiei euskara eskakizuna betetzera behartzea diskriminatzailea dela esan du. Modu horretan, atzera bota du Donostiako Udalak abenduko epaiari jarritako helegitea.
Hain zuzen, 2022ko abenduaren 20an Donostiako Tokiko Gobernu Batzarrean onartutako Udaltzaingoaren lan-deialdia —bi lanpostu jakinetarako euskara B2 hizkuntza-eskakizuna izatea eskatzen zuen—, baliogabetu zuen Donostiako Epaitegiak, eskaera "diskriminatzailea" zela argudiatuta. Euskara jakitea ezin zaiela Udaltzaingoko kide guztiei eskatu zioen orduko ebazpenak.
Auziaren abiapuntua partikular batek jarritako errekurtsoa da. Pertsona horrek Donostiako Udalaren aurkako helegitea aurkeztu zuen, udaltzain lanpostu batzuk egonkortzeko prozesu bat deitzeko oinarrietan euskarazko hizkuntza-eskakizuna eskatzen zelako bi plaza eskuratzeko baldintza gisa. Berak ez zuen maila hori. Donostiako Udalak ez zuen errekurtsoa onartu "aipatutako euskara-hizkuntza-eskakizunaren eskakizuna justifikatuta" zegoela arrazoituz, herritarrei euskaraz erantzungo zaiela bermatzeko".
Gauzak horrela, Administraziorekiko Auzietarako Salara jo zuen herritarrak eta auzitegi horrek arrazoia eman zion. Euskara jakitea "eskubidea" dela zioen epaiak, baina "ez betebeharra". Eta, hori dela eta, epaileak esan zuen "ez dela beharrezkoa udaltzain guztiek" euskaraz egiten jakitea, "bikote bakoitzean batek jakinda nahikoa" litzatekeela, oro har.
Argudio horiek berretsi ditu orain EAEko Justizia Auzitegi Nagusiak. Esan du Administrazioarekiko Auzien Epaitegiaren epaia ez zela "arbitrarioa edo arrazoigabea" izan, eta, "ondo arrazoituta" dagoela erantsi du.
Gaur ezagutu den ebazpena ez da behin betikoa, eta Auzitegi Gorenean kasazio helegitea jartzeko aukera dago.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.