Europako Eskualdeen Komiteak Trapezistak programa nabarmendu du arrakasta-eredu gisa
Trapezistak programaren helburua da familiaren laguntzarik jasotzen ez duten gazteei gizarteratzen eta helduarora igarotzen laguntzea. Europako Eskualdeetako Komiteak hamar eredu arrakastatsuetakoen artean sartu du, "aldaketa demografikoari buruzko politikak" kategorian.
Aurtengo lehen seihilekoan eskuratutako datuen arabera, programan parte hartu duten 486 pertsonen % 12k (58) emantzipazio-helburuak bete dituzte, eta % 6,3k (31) helburuak bete gabe utzi dituzte. Gainerako % 81,7ak (397) laguntza pertsonalizatua jasotzen jarraitzen dute.
Trapezistak programak lagundutako emakume gazteen presentzia ere handitu du. Urtebetean, artatutako emakumeen kopurua bikoiztu egin da, 17tik 35era.
Urtarriletik ekainera bitartean gehien artatu dituztenak gizonezkoak dira (% 93), batez beste 23 urtekoak, nagusiki Marokotik familiarik gabe migratutakoak (% 87), 18 hilabete daramatzate Euskadin, erroldatuta daude eta osasun-txartela dute.
Lehen seihilekoan, lagundutako gazteen % 38k egoera administratiboa bizileku-baimenen batekin erregulatzea lortu dute, % 81ek bizilekuarekin bat datorren erroldatzea lortu dute eta % 90ek osasun-txartel indibiduala (OTI) eskuratu dute. 2023ko datuak baino hobeak dira, beraz.
Trapezistak programak lantzen duen sei alderdietako bat hezkuntzari buruzkoa da; izan ere, lan-merkatuan sartzeko prestakuntza funtsezkoa da integrazio komunitarioko eta sozialeko prozesua osatu ahal izateko. 2024ko lehen erdian artatu dituzten 486 pertsonen % 33k profesionaltasun-ziurtagiria eskuratu dute, % 10ek erdi-mailako edo goi-mailako lanbide-heziketako gradua lortu dute, % 31k maila altua dute gaztelaniaz (B2 edo altuagoa) eta % 14k maila ertaina dute euskaraz (A2).
Gainera, enpleguari dagokionez, horien 50ek lanaldi osoko lan-kontratu erregularizatua sinatu dute, eta ia % 80k kontratu mugagabea dute.
Zure interesekoa izan daiteke
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Fiskalak ziurtatu du "hiltzeko asmoarekin" eman zizkiotela labankadak Lukas Agirreri
22 urteko kartzela zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat, eta esan du biktimak ez zeukala defentsa zauririk eskuetan.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.
Iran eta sarreren prezioa polemikaren erdigunean, Munduko Futbol Txapelketa hasteko hilabete falta denean
Irango selekzioak parte hartuko duen baieztatu gabe dago oraindik. Bestalde, sarreren "prezio aldakorrak" salatu dituzte; hori ohikoa da NBA eta NFL ligetan.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.