Gutxienez 51 pertsona hil dira Valentzian eta bat Gaztela-Mantxan, euri denboralea dela eta
Bereziki Espainia ekialdea astindu duen goi-geruzetako depresio isolatuak hondamendia eta hainbat biktima utzi ditu. Valentzian 51 pertsona hil direla baieztatu du Generalitateak. Bestalde, Gaztela-Mantxako Gobernuak jakinarazi du Miran (Cuenca) pertsona bat —88 urteko emakume bat— zendu dela, erkidego horretako lehen biktima.
Carlos Mazon Valentziako Generalitateko presidenteak gaur goizean baieztatu duenez, "biktima ugarirako protokoloa" aktibatu dute bart. Dena dela, Mazonek ez du argitu nahi izan zenbat diren hildakoak, ezta non aurkitu dituzten: "Ezinezkoa da". Generalitateak desagertutako pertsonen berri emateko telefono zenbaki bat (900 365 112) jarri du herritarren esku, eta berriro eskatu du joan-etorririk ez egiteko. "Norbere bizia arriskuan ez jartzeko eta larrialdi zerbitzuei bidea libre uzteko", azaldu du.
Larrialdietako Unitate Militarraren (UME, gazteleraz) 1.000 soldadu joan dira Valentziara, Generalitateko larrialdi zerbitzuei laguntzeko.
Horrez gain, desagertutakoen koprua zehaztu gabe dago Valentzian eta Leturren (Albacete). Uholde bortitzak izan dira bart udalerri horretan, eta urak hainbat ibilgailu eraman ditu berarekin. Sergio Marin Leturreko alkateak gaur adierazi duenez, ezin dute zehaztu zenbat lagun dauden desagertuta, baina denak udalerriko bizilagunak direla argitu du. Gainera, jakinarazi du arkitekto talde bat alde zaharreko hainbat etxebizitza aztertzen ari dela, behera etortzeko arriskua dela eta.
Halaber, dozenaka lagun harrapatuta daude Valentzia erkidegoko zenbait tokitan, hala nola Alfafarren, Paiportan eta Sedavin. Erreskate taldeak etenik gabe ari dira lanean, eta aitortu dute, harrapatutakoak lokalizatuta dituzten arren, oraindik ezin izan direla haraino "fisikoki heldu".
EAEko larrialdi zerbitzuek Valentzian "hartu ezin ziren" deiak jaso dituzte bart 112 telefonoan, Bingen Zupiria Segurtasun sailburuak jakinarazi duenez.
Espainiako Gobernuak goialdeko borraskak eragindakoei aurre egiteko krisialdi batzordea eratu du. Hurrengo bilera 12:00etan izango dute, eta Pedro Sanchez Espainiako presidentea izango da buru, hainbat ministrorekin batera. Aurrez, 11:30ean, adierazpen instituzionala egingo du.
"Mendeko goialdeko borraskarik bortitzena"
Atzo alarma gorria ezarri zuen Aemetek Valentzian eta Gaztela-Mantxan. 24 orduko epean, metro koadroko 445,4 litro bildu dituzte, 1966tik jasotakoen ondotik (520 l/m2) bigarren erregistro handiena.
Aemeten arabera, goialdeko borraska hau XXI. mendeko okerrena da, 1987 eta 1982 urteetako uholdeen parekoa.
Joan-etorririk ez egiteko deia
Egoeraren aurrean, Valentziako Larrialdiak Koordinatzeko Zentroak Es-Alert ohartarazpena bidali du Valentziako sakelako guztietara, eta joan-etorririk ez egiteko eskatu.
Hain justu, Funtzio Publikoko zuzendaritza nagusiak Valentziako Generalitateko funtzionarioei lanera ez joateko baimen berezia eman die, uholdeak direla eta.
Valentziako hiriburuan eta hainbat herritan eskolak bertan behera utzi dituzte gaur.
Trafiko etenak eta garraio zerbitzua bertan behera
Valentzian, 60 errepide baino gehiago daude trabatuta edo itxita uholdeen ondorioz, gehienak bigarren mailakoak. A-3 eta A-7 autobideetako hainbat zati ere zarratu dituzte. DGTak autoa ez hartzeko eskatu die herritarrei.
Bestalde, Oscar Puente Garraio eta Mugikortasun Jasangarriko ministroak bart jakinarazi duenez, baldintza meteorologikoek hobera egiten ez duten arte, Valentzian ez da aldiriko trenik izango eta Madril-Valentzia linea bertan behera geratuko da 10:00ak arte.
Valentziako aireportuak goizean berrekin dio jardunari, Aenak jakinarazi duenez. Atzo 40 hegaldi utzi zituzten bertan behera eta 30 beste aireportuetara bideratu behar zituzten.
Zure interesekoa izan daiteke
26 urteko kartzela-zigorra ezarri diote hiru adingaberi sexu-erasoa egiteagatik akusatutako masajistari
Joan den irailean egindako epaiketan, Fiskaltzak eta biktimen eta haien senideen akusazio partikularrek 45 urteko espetxe-zigorra eskatu zuten gizon horrentzat.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Normaltasuna itzuli da Txorierriko igarobidera, goiz korapilatsu baten ostean
Zortzi ibilgailuren arteko istripua gertatu da goizeko lehen orduan eta ilarak A-8ra, Errontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.
Eric Olhatsek adingabeei sexu-erasoak egin izana ukatu du epailearen aurrean, Baionan
1997-2022 urte artean sei adingaberi sexu-erasoak egitea leporatuta, gaur epaitu dute Aviron Bayonnaisen entrenatzaile eta Realaren ikuskatzaile ohia. 10 urteko espetxe-zigorra eta 150.000 eurorainoko isuna jaso dezake.
Dermatosi nodular kutsakorra zabaltzea eragozteko neurriak zorroztu ditu Jaurlaritzak
Joan den hilean hartutako neurriei bi gehituko zaizkie. Besteak beste, EAEra beste toki batzuetako ustiategietako behi-aziendak iristen direnean, albaitari ofizialen zaintzapean egongo dira 21 egunez.
DYAko presidente ohiak iruzurra egin zuela egiaztatu dute lekukoek, akusazioaren ustez
Epaiketak asteartean jarraituko du bi auzipetuen deklarazioarekin, eta ondoren aldeek behin betiko txostenak aurkeztuko dituzte.
Osasun teknikariek laugarren greba eguna izan dute Europako kideekin parekatzeko helburuarekin
Goi-mailako teknikariek eta osasun-espezialistek laugarren greba eguna izan dute Estatu osoan, Europan unibertsitate-graduak diren titulazioak Espainiar estatuan Lanbide Heziketa bidez eskuratzen dituztela salatzeko. Horrez gain, Erizaintzako tratamendu eta jarraipeneko lanbideetatik bereizitako profil profesional bat aitortzeko eskatzen dute.
Osakidetzak iaz baino % 11 txerto gehiago jarri ditu, eta gripearen aurka immunizatzeko deia egin du
75 urte baino gehiago edo gaixotasun kronikoren bat dutenek, nahi izanez gero, zita eskatu dezakete gripearen eta covidaren aurkako txertoa hartzeko.
Ikertu gisa deklaratu duen ertzainak ukatu egin du Amaya Zabarteri buruan ostikoa eman izana
Iazko martxoan, Realak eta PSGk jokatu zuten partidan ertzainek foam pilotak jaurti eta zauriak eragin omen zizkieten bi emakumeen salaketen instrukzioak beste pauso bat eman du gaur. Familiek behin eta berriro eskatu dituzten ertzainen deklarazioak hasi dira Donostian.
GOIDIaren biktimak: "Gure senideak ez zituen klimak hil, kudeaketa txarrak eta zientziarekiko errespetu faltak baizik"
GOIDIAren Biktimen Elkartearen presidenteak, Rosa Alvarezek, deitoratu egin du Kongresuko ikerketa-batzordeak kondenatzeko legezko baliorik ez izatea, eta, "garaipen soziala" dela esan duen arren, azpimarratu du oraindik pauso handi bat geratzen dela emateko: Mazon espetxera bidaltzea.