Krisi mahaia bildu du Getxoko Udalak igandean prezipitazio handiengatik alerta laranja ezarriko baitute
Amaia Agirre Getxoko alkateak krisi mahaia deitu du larunbat honetan, Eusko Jaurlaritzak prezipitazio handiengatik alerta laranja ezarri aurretik egoera aztertzeko. Igandeko 12:00etan sartuko da indarrean alerta.
Getxoko Udalak ohar baten bidez jakinarazi duenez, Udalak zein Udaltzaingoak unean uneko "neurri egokiak" hartuko dituzte datozen orduetan. Herritarrei mendira ez joateko eta uretako jarduerak ez egiteko eskatu die, eta zuhaitz bakartien azpian edo eraikin "ezegonkorretan" babesik ez bilatzeko gomendatu.
Udalaren arabera, ibilgailuak putzuak sor daitezkeen tokietatik erretiratu eta urez bete daitezkeen garajeetatik atera behar dira, eta beharrezkoa ez bada autoz ez ibiltzeko eskatu du. Bidaiatu behar izanez gero, errepide nagusietatik eta autobideetatik ibiltzeko aholkatu diete herritarrei, eta ikuspen arazoak izanez gero, ibilgailua leku seguru batean aparkatzeko. Euri-jasak errepidean harrapatuz gero, abiadura murrizteko, zuhurtziaz gidatzeko eta ur asko igaro daitekeen lekuetan ez gelditzeko deia ere egin du.
Kalean, adarrak, kartel handiak eta hormak zaintzeko eskatu du. Etxe barruan, berriz, "aire-korronterik ez sortzea zaindu" behar dela gogorarazi du, tximistak erakartzen baitituzte. "Hortik dator ekaitza gertatuz gero ateak eta leihoak ixteko gomendioa", azaldu du Getxoko Udalak.
Bestalde, linternak, kandelak edo argiztatzeko bestelako sistema alternatiboak prestatzeko gomendatu du Udalak, argia joanez gero eskura izateko. Deskarga elektriko handia gertatzen bada, etxetresna elektrikoak eta telebistaren antena deskonektatzeko ere eskatu du, tentsio-igoera baten ondorioz ez kaltetzeko edo deskargarik ez eragiteko.
SOS Deiak (112) eta Larrialdiak Koordinatzeko Udal Zentroa (94 466 02 02) martxan egongo direla jakinarazi dute.
Bilboko Udalak ere ohartarazpen bera egin die herritarrei, eta beharrezkoa ez bada autorik ez hartzeko eskatu die, baita uholdeak izan daitezkeen tokietatik autoak erretiratzeko ere.
Eguraldiaren iragarpena ikusita, Leioako Udalak bertan behera utzi du biharko deituta zegoen nekazaritza eta abeltzaintza azoka.
Zure interesekoa izan daiteke
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bakion ostiraletik desagertuta dagoen 14 urteko neska baten bila ari dira
VOST Euskadik 14 urteko Olaiaren desagerpenaren berri zabaldu du. Adingabea uztailaren 31n ikusi zuten azkenekoz Bakion, eta baliteke Bilborako autobusa hartu izana. Haren inguruko informaziorik duenak 112ra deitzeko eskatu dute.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.