Basauriko sutearen eraginez etxetik aterarazitako bizilagunek ez dute hotela utziko, "nora joan" ez dutelako
Kareaga Goikoa kaleko (Basauri, Bizkaia) 1, 5 eta 7 zenbakietako 22 familia joan den urtarrilaren 31ko sutearen ondorioz etxetik aterarazi zituzten. Orain Bilboko hotel batean ostatu hartuta daude, baina martxoaren 6tik aurrera Udalak logelak uzteko deia egin die. Familiek hotela utziko ez dutela iragarri dute gaur.
Herritar horiek, Batu Elkarlaguntza Sarearekin batera emandako prentsaurrekoan, esan dute ez dutela "nora joan", eta Basauriko Udaleko arduradunei dei egin diete datorren astelehenean bilera egiteko, konponbidea bilatzeko.
Familiek elkarretaratzea deitu dute hilaren 6rako Bilboko hotelaren aurrean, eta "barregarritzat" jo dute Udalak eskainitako 2.470 euroko dirulaguntza, sute horretan etxebizitza galdu ondoren etxea bilatu ahal izateko.
Era berean, Udalak emandako laguntza "nahikoa ez" dela uste dute Batuko ordezkariek. Izan ere, Udalak enpresa bat kontratatu du bertan bizi zirenei etxebizitza bilatzen laguntzeko.
Udalak bizilagunak "desinformatzea" leporatu dio Baturi
Basauriko Udalak, bere aldetik, Batu sindikatuaren jarrera "arduragabea" salatu du gaur, suteak kaltetutako bizilagunak "desinformatzen" ari delako eta eskainitako dirulaguntza ukatzeko eskatzen dielako.
Era berean, bizilagunekin egiten dituzten batzarretan gizarte langileen "azalpenak eta lana oztopatzea" leporatu die sindikatuko kideei.
Gainera, ohartarazi du Batuko kideak "beteko ez diren itxaropen faltsuak" sortzen ari direla, "ez baitute behin betiko ostatu jasotzeko eskubiderik".
Udalak azaldu duenez, bizilagun horiei eskainitako laguntza aho batez onartu zen, aldi baterako harrera gehienez ere lau hilabetez luza daitekeelako, baina Udalak ezin die 22 familiei ostatu ematen jarraitu gainerako hiru hilabeteetan.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.