Vatikanoak Opus Dei erakundetik kanporatu du pederastiagatik zigortutako Gaztelueta ikastetxeko irakaslea
Adin txikiko bati sexu-abusu jarraituak egiteagatik zigortutako Gaztelueta ikastetxeko irakaslea Opus Dei erakundetik kanporatu egingo dute. Hala ebatzi du Vatikanoak, gaur jakinarazitako sententzia kanoniko batean. Bertan zehazten denez, Juan Cuatrecasas biktimaren lekukotza "sinesgarria" da.
Jose Antonio Satue Teruelgo Apezpikuak sinatutako ebazpena da. Berak zuzendu du ikerketa. Gazteluetako irakasleak sexu-abusuak egin zituela probatu dutela eta horrek hura kanporatzea justifikatzen duela dio epaiak. Nolanahi ere, ez da Opus Deiren aurkako neurririk hartu, Elizako ikertzaileek baieztatu badute ere erakundeak ez duela lagundu prozesua argitzeko epaiketan. Biktimarentzako edota haren familiarentzako kalte-ordaina ezartzea ere ez da erabaki.
Epaiak frogatutzat eman du irakasleak sexu-izaerako galderak eta ukituak egin zizkiola biktimari, baina masturbazio zein penetrazio jokabideak gertatu zirenik ez du ziurtzat eman. Azken horiei buruz hitz egiteko, "akusazioa indartzen duten berrespen periferikoak" kontzeptua erabiltzen du. Biktimaren familiaren ustez, Opus Deitik kanporatzea ez da neurri nahikoa, eta Juan Cuatrecasas aitak uste du bide kanonikoak "biktimak berbiktimizatzeko" baino ez duela balio.
2018an, Bizkaiko Lurralde Auzitegiak 11 urteko kartzela-zigorra ezarri zion Gazteluetako irakasle ohiari, 2008-2009 eta 2009-2010 ikasturteetan, biktimak 12 eta 13 urte zituela, abusuak egin zizkiolako.
Ondoren, 2020an, Auzitegi Gorenak berretsi egin zuen sexu-abusuak egin zituela akusatuak, baina zigorra bi urtera jaitsi zuen.
Handik bi urtera, biktimarekin elkartu eta gero, Frantzisko aita santuak Gaztelueta kasua berriro zabaltzea agindu eta auzitegi kanoniko bat izendatu zuen.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.