Eguraldi aldakorra: goiz hotza, arratsalde eguzkitsua eta euria egunaren amaieran
Euria eta giro fresko eta grisa nagusituko dira Aste Santuan, Euskalmet Euskal Meteorologia Agentziak egindako iragarpenaren arabera.
Giro aldakorra izango dugu gaur. Goizaldean zerua tarteka hodeitsu egongo da eta iparraldean euria egin dezake oraindik, batez ere kostaldean. Goizean zerua hodei gutxirekin geratuko da eta horregatik goizean goiz barnealdean hotza egingo du; hegoaldeko zenbait lekutan izotza egin dezake. Tenperatura maximoak, berriz, igoko dira, baina udazkeneko aroa gailenduko da oraingoz. Arratsaldean ipar-mendebaldeko haizea ibiliko da eta hodeiak ugaritu egingo dira berriro. Arratsalde-gau partean zaparradak botako ditu; elur-kota, 1.200 eta 1.500 metro artean.
Ostegunean zerua tarteka hodeitsu egongo da. Egunaren lehenengo partean iparraldean euri txikia egin dezake, batez ere kostaldean, gainerako tokietan ateri eutsiko dio eta ostarteak zabalagoak izango dira. Goizean goiz mendebal/hego-mendebaldeko haizea ibiliko da, arratsaldean iparraldekoa eta biziago, egunaren amaieran, hegoaldekoa. Tenperaturak gora egiteko joera izango du, baina minimoak hotzak izango dira oraindik eta hegoaldeko zenbait lekutan izotza egin dezake.
Tenperatura minimoa: 2-8 ºC.
Tenperatura maximoa: 15-18 ºC
Ostiralean, goizean lanbroa eta lainoa sortuko dira. Zerua hodei gutxirekin edo partez hodeitua egongo da, arratsaldean hodeiak ugaritu egingo dira. Egunaren bigarren partean zaparrada txikiak botako ditu, zenbait lekutan ertainak eta trumoitsuak izan daitezke. Hego-osagaiko haize ahul-bizia ibiliko da, arratsaldean ipar-osagaira aldatuko da. Tenperatura nahikoa igoko da.
Tenperatura minimoa: 7-12 ºC
Tenperatura maximoa: 18-22 ºC
Zerua oso hodeitsu egongo da larunbatean, bereziki egunaren lehen partean. Prezipitazio txikia egingo du, zenbait lekutan ertaina izan daiteke; gauean atertzera egingo du. Ipar-osagaiko haize ahul-bizia ibiliko da, gauean hego-osagaira aldatuko da. Tenperatura jaitsi egingo da: minimoak, gutxi, eta maximoak, nabarmen.
Hurrengo egunetarako meteorologia-ereduak ez datoz bat, baina litekeena da iparraldeko haizea nagusitzea. Iparrak joz gero, hodei ugari izango genuke, euria egingo luke, sarriago ipar isurialdean, eta giro freskoa izango genuke.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira, furgonetetan, presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela zaharra ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.