Gizon bat zauritu dute Bilboko Somera kalean, sastatuta
Gizon bat zauritu dute gaur arratsaldean Bilboko Somera kalean, labankada jasota, Ertzaintzako iturriek eitb.eus-i baieztatu diotenez. Erasoa 16:15 aldera jazo da, eta zauritua Basurtuko ospitalera eraman behar izan dute.
Ertzaintzak 26 urteko gizon bat atxilotu du gaur arratsaldean, arma zuriz egindako erasoa egotzita.
Eusko Jaurlaritzako Segurtasun Sailak jakinarazi duenez, Ertzaintzari jakinarazi diote gizon gazte bat zaurituta zegoela, antza denez, toraxean arma zuri batekin sastatuta.
Inguruan zaintza lanak egiten ari zen patruila bat berehala bertaratu da, eta biktima kalean etzanda aurkitu du. Zaurien larritasuna ikusita, berehala eraman dute Basurtuko ospitalera.
Gertatutakoa argitzeko abian jarritako ikerketari esker, ustezko erasotzailea identifikatu dute, eta handik gutxira topatu dute inguruko etxebizitza batean. Beharrezko egiaztapenak egin ondoren, atxilotu egin dute, hilketa saiakera delitua egotzita.
Era berean, susmagarriak ustez erabilitako labana kalean botata aurkitu dute, gertakariaren lekutik gertu. Eginbideak amaitu ondoren, epailearen esku utziko dute.
Zure interesekoa izan daiteke
Gizon bat atxilotu dute Iruñean, Marokotik Penintsularako patera bidaiak antolatzea egotzita
Atxilotuari atzerriko herritarren eskubideen aurkako delitua egozten diote Estatuan. Marokoko agintariek, berriz, emigrazio klandestinoa errazteagatik bilatzen zuten.
Lau urteko espetxe zigorra ezarri diote Donostiako Katalunia plazako aparkalekuan emakume bat bortxatu zuen gizonari
Aipatutako espetxe-zigorraz gain, zortzi urteko urruntze-neurria bete beharko du, eta epe horretan ezingo da emakumearekin harremanetan jarri, eta kaltetuari 8.000 euro ordaindu beharko dizkio.
Eusko Legebiltzarrak "ikasle kalteberak bidez kokatzea" lortzeko bidean aurrera egiteko eskatu du
Ganberak EAJren eta PSE-EEren zuzenketa bat onartu du, eskola plangintza eta zonifikazioa indartzearen alde egiten duena, eskola inklusiboagoa bultzatzeko. PPren ekimena atzera bota dute, baita Sumarren osoko zuzenketa ere.
Festa lehertu da Tolosan, hasi da sei eguneko jaia
Txilabak soinean jantzita eman diote hasiera inauteriei eta gaurtik eta datorren asteartera arte festak ez du etenik izango.
Hainbat tabernatan izandako lapurretak argitu dituzte Nafarroan
Foruzaingoak eta Guardia Zibilak lau pertsona atxilotu dituzte Foru Erkidegoan hiru lapurreta egitea eta ibilgailuak lapurtu eta erretzea egotzita.
Errege Kopako finalera Hondarribitik Sevillara joateko hegaldiak, 800 euroan
Hegaldien prezioak gora egin du eta partidara joan ahal izateko eskala luzeak edo egun bat lehenago bidaiatu beharko dute zaleek, hegazkin-txartelen metabilatzaile baten arabera.
Albiste izango dira: 150 km/h arteko haizea, inauterietako txupinazoa Tolosatik eta Osoko Bilkura Legebiltzarrean
Gaurkoan Orain-en albiste izango direnen laburpena, bi hitzetan.
Behin-behinean aske utzi dute Gernika-Lumon bikotekidea hiltzea egotzita atxilotutako emakumea
54 urteko emakumea asteazken honetan atxilotu zuten, 2025eko azaroaren 22an senarra hil zuelakoan. Epailearen aurrera joan ostean, epaitegiak behin-behinean aske uztea agindu du.
Auto-pilaketak eta arazo txikiak errepideetan lehen orduan, haize-bolada zakarren ondorioz
Gainera, Gipuzkoan zuhaitzak erori dira eta luizi txikiak izan dira bigarren mailako errepide-sarean. Trafiko Sailak arretaz gidatzeko eskatu du, haize zakarra dabilelako.
Donostiako epaitegi batek baliogabetu egin du Gipuzkoako Aldundiko administrarien plaza guztietan euskararen C2 hizkuntza-eskakizuna
CCOO sindikatuaren hitzetan, epaiaren oinarria da eskaintza horretako lanpostu guzti-guztietan profil hori eskatzea “desproportzionala” dela.