Albiste izango dira: Europa Ligako finala Bilbon, sexu erasoa Donostian eta Israelen kontrako presioa
Honako gai hauek hartuko dituzte gaur, 2025eko maiatzaren 21ean, hedabideetako lerroburu nagusiak:
- Europa Ligako finala Bilbon: Ingalaterrako bi taldek, Tottenham-ek eta Manchester United-ek, Europa Ligako finala jokatuko dute San Mamesen. Erresuma Batuko 55.000 zale espero dira Bilbon, eta bi taldeetako jarraitzaileen arteko harreman ona dela-eta istilurik gertatzerik aurreikusten ez duten arren, Eusko Jaurlaritzak Euskadiko Babes Zibileko Plana (LABI) aktibatu du, badaezpada.
- Sexu erasoa Donostian: Ertzaintzak bi pertsona atxilotu ditu Donostian adin txikiko bati sexu erasoa egitea egotzita. Erasoa Ulia mendian gertatu zen astelehen goizaldean. Adingabea Gipuzkoako Foru Aldundiaren ardurapean zegoen eta biktimaren "babesa, zaintza eta jarraipen osoa bermatzeko neurriak" hartu dituela azaldu du. Bien bitartean, Ertzaintzak gertaturikoa ikertzen jarraitzen du.
- Israelen aurkako presioa areagotu dute: Europar Batasunak eta Erresuma Batuak Israelen kontrako presioa areagotu dute, Gazako Zerrendan bizi den egoera tarteko. Europar Batasunak Israelekin duen Elkartze Akordioa aztertuko du, 17 estatuk Kaja Kallas Kanpo Politikarako EBko goi-ordezkariari egindako eskakizunaren ondorioz. Erresuma Batuak, bere aldetik, bertan behera utzi ditu aldebiko merkataritza akordio berri baterako negoziazioak Israelekin. Dena den, oraingoz Benjamin Netanyahuk ez du atzera egin eta Israelgo Armadak Gazako erasoaldiarekin jarraitzen du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.