Bizilagunen elkarteek euren ezinegona agertu dute, finalak hirian eragindako anabasagatik
Ikuskizunak geldiarazitako hiria. Hitzok erabili ditu Bilboko Bizilagunen Elkarteen Federazioak herritarren ezinegona adierazteko, Europa Ligako finalaren biharamunean. Agintari eta erakundeak ekitaldiaren inpaktu positiboa goratzen ari diren bitartean, bizilagunen sentipena oso bestelakoa dela salatu dute.
Gaur zabaldutako ohar batean, Federazioak halako ekitaldi handien inguruko gogoeta eskatu du. Hala, atzokoaren neurriko final batek herritarren eguneroko jardunean duen eragina neurtzea eskatu du, zifrekin itsutu gabe.
Tottenhamen zein Manchester Uniteden zaleentzat gune bereziak egokituagatik, hortik kanpo izandako gorabeherek bizilagunen artean sortutako kezka ere adierazi dute.
Horrekin batera, egunotako aurrekaririk gabeko aire-trafikoak eragindako kutsadura salatu dute, eta baita ere trafiko mozketen ondorioz hainbat saltokik pairatu dituzten galerak.
Azkenik, onartezintzat jo dute hoteletako prezioek izan dute igoera, gaueko 15.000 eurorainokoa zenbait lekutan. Bizilagunen elkarteen arabera, sektore horretako langileen baldintzak ez dira neurri berean hobetu. Are gehiago, prekarizatuta jarraitzen dute.
EH Bilduk gogoeta eskatu du
Ildo beretik, EH Bilduk ere makro ekitaldien inguruko gogoeta eskatu du. Maria del Riok koalizioaren Bilboko udal bozeramaileak adierazi duenez, atzoko finalak "Bilbok makro ekitaldi horiek hartzeko dituen mugak azalarazi" zituen. "Herritar asko, batez ere Bilboko gune jakin batzuetakoak, nekatuta daudela adierazten ari dira, hiria ekitaldi hauen agertoki nagusia izateagatik eta bilbotarrak, aldiz, figurante hutsak", nabarmendu du.
Halaber, Del Riok zalantzan jarri ditu mota horretako ekimenen eragin ekonomikoa eta "batzuek egiten dituzten kalkuluak". Bere esanetan, "autokonplazentziarik gabeko balizko kostuen eta onuren azterketa zorrotza egin beharko litzateke".
Ildo horretan, gaineratu du hainbat ostalarik eta hornitzailek "aurreikuspenak ez direla bete" helarazi diotela EH Bilduri. "Ezta asistentzia aldetik ere, Athleticen partida garrantzitsu batean baino txikiagoa".
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.