Sexu-erasoa eta legez kontra atxikitzea egotzita Bilbon atxilotutako sei gizonak, behin-behineko askatasunean

25 eta 43 urte arteko sei gizonezko atxilotu zituzten larunbatean, Bilbon, sexu-erasoa eta legez kontra atxikitzea egotzita. Gaur epailearen esku utzi dituzte, eta behin-behineko askatasunean daude, EITB Mediak jakin ahal izan duenez.

Epaileak behin-behineko askatasuna ezarri du kautelazko neurri batzuekin, besteak beste, urruntzeko aginduekin, Espainiako Estatutik ateratzeko debekuarekin, eta aldian-aldian epaitegietara agertu beharko dira.

Hiru gizon atxikita izatea eta horietako bati sexu-erasoa egitea leporatzen zaie.

Udaltzaingoak egin zuen operazioa, joan den larunbatean, 21:00ak inguruan, Iturribide kalean.