Ezbeharrak Nafarroan
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Bi motozale larri zauritu dira Artaxoan eta Orikainen izandako bi istriputan

Lehenengoan, 31 urteko motor-gidari batek zauri larriak egin ditu auto batekin talka eginda, ostegunean, 22:27an, Artaxoan. Bigarren motozale bat oso larri zauritu da gaur arratsaldean N-121-A errepidean, Orikainen, izandako eroriko batean.
Ostegun gauean, Artaxoan (Nafarroa), gertatutako ezbeharra. Irudia: Foruzaingoa
Ostegun gauean, Artaxoan (Nafarroa), gertatutako ezbeharra. Irudia: Foruzaingoa

Agentziak | EITB Media

Azken eguneratzea

Bi motozale larri zauritu dira azken orduetan Nafarroan izandako bi istriputan.

Lehenengoan, 31 urteko motor-gidari batek zauri larriak egin ditu auto batekin talka eginda, ostegunean, 22:27an, NA-6030 errepideko 9,4. kilometroan (Mendigorria-Tafalla), Artaxoan.

Zauritua Nafarroako Unibertsitate Ospitalera eraman zuten anbulantziaz, eta bertan jarraitzen du, pronostiko larriarekin, SOS Nafarroak jakitera eman duenez.

Bigarren motozale bat oso larri zauritu da gaur arratsaldean N-121-A Iruñea-Behobia errepidean, Orikainen, erorikoa izanda, Nafarroako Gobernuaren arabera.

SOS Nafarroak 13:09an izan du ezbeharraren berri, eta Cordovillako suhiltzaileak, anbulantzia bat eta Foruzaingoaren patruilak bertaratu dira.

Gidariak motorraren kontrola galdu eta erdibitzailea jo du, N-121-A errepideko 6. kilometroan.

Anbulantziak Nafarroako Unibertsitate Ospitalera eraman du motozalea, oso larri.

Istripuaren ondorioz, errepidea itxi dute 13:55ean, eta auto-ilarak sortu dira. Foruzaingoak aritu da bertan zirkulazioa bideratzen.

Gizartea Trafiko Istripuak Nafarroa Eguneko Titularrak Nafarroako Ospitale Gunea

Zure interesekoa izan daiteke

Gehiago ikusi
Publizitatea
X