Bilboko Martzana kaiko bizilagunak protestan, taberna eta terrazetako zarata dela eta
Auzoko “bizi-kalitatea hondatu” dela salatzen dute, eta neurriak har ditzala eskatu diote Udalari, “atsedenerako eskubidea”, “espazio publikoa erabili eta paisaiaz gozatu ahal izatea” bermatu diezaien. Martzana Bilboko erdigunean dago, eta oso modan jarri da azken urteetan itsasadarraren ertzean dauden taberna eta terrazengatik.
Bilboko Martzana Kaiko Bizilagunen Plataformak protesta ekintza bat hasi du ostegun honetan “auzoko bizi-kalitatearen narriadura etengabekoa” salatzeko. Udalari eskatzen diote “irabazi-asmoa duten tabernen jarduera harraparien aurrean, atsedenerako" dugten eskubide legitimoa "bermatu ahal izateko” neurriak har ditzala, epe motzean.
Bilbo erdigunean dagoen auzo historiko horretako 100 bizilagunek baino gehiagok osatzen dute elkartea. Bertako etxe gehienek egurrezko egitura dute, eta auzotarrek salatzen dute inguruko taberna asko ez daudela zarata isolatzeko prestatuta. Halaber, bizilagunek diote ostalariak “auzoari bizkar emanda” bizi direla eta “enpatia eta errespetu gabeko jarrera” dutela.
Tabernarien “legez kanpoko praktikak normalizatu” egin omen dira: “terrazak jartzeko baimendutakoa baino espazio gehiago erabili”, “baimendutakoa baino beranduago jaso”, isolatu gabeko tabernetan “ateak zabalik dituztela gauez musika jarri”, “oinezkoentzako pasabideak oztopatu” eta “kaia biltegi gisa” edota “haien auto pribatuentzako aparkaleku gisa" erabiltzen dituztelako.
Egoera horren aurrean, azaldu dute Udaleko ordezkariekin hainbat bilera egin dituztela, eskakizun zehatzak eginez idatziak bidali dituztela eta eginbide ugari zabaldu dituztela bai udalean bai polizia-etxeetan. Egindako guztiak aginda ere, salatzen dutenez, egoerak bere horretan dirau, “ez baitago araudia betetzen dela ziurtatzeko kontrolik”.
Beraz, egoerarekin nazkatuta, “protesta ekintza” bat hastea erabaki dute, eta protesta-esaldiak eta eskakizunak dituzten kartelak eta pankartak jarri dituzte auzoko eraikinetako hormetan.
Eskari nagusiak ostalaritzako lizentziak berrikustea eta ordutegiak murriztea dira. Izan ere, ez dute egoki ikusten egurrezko etxeak dituen auzo batean gaueko aisialdirako lizentziak ematea. Horrez gainera, araudia betetzen dela kontrolatzeko neurri eraginkorrak hartzera eskatu dute.
Martzana kaiko bizilagunek irmo diote “atsedenerako eskubidea” eta “espazio publikoa erabili ahal izateko eskubidea” defendatzen jarraituko dutela, baita haien etxeetatik “paisaiarekin eta itsasadarrerako ikusmirekin gozatu ahal izatea” ere.
Zure interesekoa izan daiteke
3.000 pertsona inguru bildu ditu Osasun Bidasoak Irunen, kalitatezko osasun-zerbitzu publikoak eskatzeko
Bidasoako bizilagunek osasun publikoan premiazko hobekuntzak egin beharra daudela ohartarazi dute berriz ere larunbat honetan Irunen. Izan ere, Bidasoa Ospitalean eta eskualdeko lehen mailako arretako zentroetan kolapsoa izateko arriskua dagoela salatu dute. Deitzaileek gogora ekarri dutenez, duela urtebete 12.000 pertsona bildu ziren, pediatriako larrialdiak eta haur eta gazteen psikiatria zerbitzuaren itxiera salatzeko, eta egoerak ez duela hobera egin adierazi dute.
Dena prest Amurrion, Araba Euskaraz jaia ospatzeko
Goizeko 10:00etan hasita, egun osoko egitarau oparoa antolatu dute Arabako Ikastolen jaiaren baitan. "Taupadak berpiztu" da aurtengo leloa eta "hizkuntza eskubideak exijitzeko aldarrikapen espazio bat" izatea nahi dute antolatzaileek.
33 pertsona artatu behar izan dituzte EAEn beroagatik
EAE eta Nafarroako Erribera abisu horian egon dira beroagatik 13:00etatik 20:00etara. Igandean ere abisu horia errepikatuko da ordu tarte horretan. Gueñesen eta Laudion erregristratu dira eguneko maximoak: 38,5 eta 38 gradu, hurrenez hurren.
Milaka lagun joan dira Urkiolara, San Antonio eguneko azokaz eta erromeriaz gozatzera
Urtero hutsik egiten ez dutenak ere ez dira gutxi, tradizioari jarraituz. Aurten lehen aldiz, lehiaketa antolatu dute, bisitariek zaldi ederrena aukera dezaten. Azoka, bertsolariak eta umeentzako jarduerak ere ez dira falta izan.
Euskarak bizi duen "larrialdiaren" aurrean "biziberritze ziklo berri bat" beharrezkoa dela aldarrikatu du Kontseiluak Iruñean
Manifestazioa hiru zutabetan zatitu dute, eta Askatasun Plazatik atera den zutabean hainbat ordezkari politikok hartu dute parte: Ana Ollo Euskara kontseilariak, Unai Hualde Nafarroako Parlamentuko presidenteak eta EH Bilduko eta Geroa Baiko parlamentariek, besteak beste.
Euskararen aldeko aldarria goizean goizetik Iruñean, Euskaltzaleon Martxaren aurretik
Euskararen aldeko mobilizazio handia egingo da gaur Iruñean Euskalgintzaren Kontseiluak deituta. 17:00etan hiru zutabe abiatuko dira hiriko hiru puntutatik, eta bakoitzak mezu bat eramango du: euskararen ofizialtasun osoa eskatu, hizkuntza politiketan jauzia emateko premia aldarrikatu, eta euskaltzaletasuna azpimarratzeko. Aurrez, hainbat ekintza daude martxan goizetik Nafarroako hiriburuan.
Palestinarekin Elkartasuna taldeko aktibistak identifikatu dituzte, CAFen Beasaingo lantegirako sarbidea oztopatzeagatik
Protesta modu baketsuan egin dute CAFen fabrikara sartzeko zubian. 30 bat gaztek eserialdia egin dute, eta ibilgailuei bidea moztu diete. Ondorioz, identifikatu egin dituzte, baina ez dute inor atxilotu.
1.500 dronek Bilboko zerua argiztatu dute, Iberdrolaren 125. urteurrena ospatzeko
Jende askok gozatu du Iberdrolaren urteurren berezirako berariaz diseinatu duten eta musika eta efektu bisualak izan dituen ikuskizunaz. Guztira 1.500 dronek argiztatu dute Bilboko zerua.
EHUren festa erraldoia
Ikasketak amaitzen dituzten 4.000 ikasle inguru elkartu dira EHUko graduazio ekitaldi handian. Nøgen, Janus Lester, Maialen Lujanbio eta Amets Arzallus aritu dira oholtza gainean. EHUk txapela eman die graduatuei, birretak eman beharrean.
Errenteriako abusu kasuen erabilera politikoa salatu du Asanblada Feministak
Oreretako Asanblada Feministak elkarretaratzea deitu du ostiral arratsalde honetarako, azken hilabetean ezagutu diren bi sexu-abusu kasuen instrumentalizazioa salatzeko. Udalak egindako kudeaketa eskertu dute, eta salatu dute legelari, kazetari eta alderdi politiko batzuek etekin politikoa bilatzeko erabili dituztela kasu horiek.