Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko
Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.
Donostiako Udalaren ordezkariak, ostegun honetako aurkezpenean. Argazkia: Donostiako Udala
Donostiako Boulevardeko puntu morea larunbat honetan irekiko dute berriro, Donostiako Aste Nagusiaren lehen egunean, jaietan "indarkeria sexista kasuak prebenitzeko eta artatzeko". 24 orduz emango da zerbitzua, Emakumeen Etxearen eta Berdintasun Sailaren telefonoaren bidez. Hala iragarri du Eneko Goia Donostiako alkateak hiriko nautikoan, udal talde guztien ordezkariekin batera.
Goiak "indarkeria sexistarik gabeko Aste Nagusia" ospatzeko deia egin die herritarrei, eta gogorarazi du "hiriak mota guztietako indarkeriazko jokabideak gaitzesten" dituela.
Larunbat honetatik, Donostiako Aste Nagusia hasten den egunetik, hilaren 17ra, igandea, hainbat gune eta arreta-zerbitzu egongo dira martxan, 24 orduz, indarkeria sexista kasuak artatzeko. Horietako bat Boulevardeko puntu morea izango da, garai bateko prentsa-kioskoan.
13:00etatik 05:00etara egongo da irekita, eta profesionalek aurrez aurreko arreta emango dute bertan. Bigarren baliabidea Emakumeen Etxea izango da, Okendo kaleko 9. zenbakian, eta bertan arreta emango da 05:00etatik 10:00etara. Azkenik, urteko gainerako egunetan bezala, Berdintasun Sailaren telefono-zenbakia egongo da eskuragarri, 630 934 994, eguneko edozein ordutan.
Goiak gogorarazi du indarkeria sexistaren prebentziorako kanpaina abian dela ekainaren 23an San Joan jaiak ospatu zirenetik, 'Jai libreen alde! Indarkeria sexistari ez!' lelopean. Uda osoan zehar egongo da indarrean, hainbat material erabilgarrirekin, euskaraz, gaztelaniaz, frantsesez eta ingelesez. Material horietan, prebentzio-informazioa eta eraso sexisten eta sexu-erasoen aurrean nola jokatu jakiteko gomendioak jasotzen dira. Ekimen horren baitan eskuorriak, eskumuturrekoak, txapak, eranskailuak, lepoko zapiak, telefonodun txartelak eta Emakumeen Etxeari buruzko datuak banatu dira.
Zure interesekoa izan daiteke
Basauri BEA futbol taldearen hurrengo hiru partidetara ez du epailerik bidaliko Bizkaiko Arbitroen Batzordeak
Epailerik gabe, beraz, partida ezingo da jokatu. 16 urteko arbitro emakume bat iraintzeagatik eta mehatxatzeagatik ezarri diote zigorra futbol taldeari.
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.