Alerta laranja: Ostirala asteko egunik beroena izango da
Alerta laranja Hego Euskal Herri osoan izango da indarrean, kostan salbu. Iragarpenaren arabera, tenperatura 40 gradutik gorakoa izango daBizkaiko eta Gipuzkoako barnealdean, eta kostaldean 35 gradura iritsiko dira termometroak.
Bi turista izozkia jaten. Artxibo irudia: Europa Press.
Duela hamar egun hasi zen beroaldik ez du etenik, eta gaur arnas pixkat eman ondotik, bihar, ostirala, bueltan da beroa. Alerta laranja ezarriko duteHego Euskal Herri osoan, termometroek 40 graduak gaindiko baitituzte zenbait lekutan.
Euskal Autonomia Erkidego alerta 12:00etatik 20:00etara egongo da indarrean, Euskalmeten arabera, 39 ºC-ko maximoak iragarri baitituzte Bizkaiko eta Gipuzkoako barneraldean, eta 38 eta 39 gradu artekoak Araban.
Kostaldea ere ez da beroaz libratuko, 35 gradura irits baitaitezke termometroak. Hori dela eta, 12:00etatik 17:00etara abisu horia izango da indarrean.
Nafarroan, berriz, Aemetek 40 gradu inguruko tenperaturak aurreikusten ditu, eta, beraz, alerta laranjan izango da Foru Erkidegoa 13:00etatik 21:00etara. Pirinioetan izan ezik.
ALERTA LARANJA
Muturreko beroari aurre egiteko aholku sorta
Ezinbestekoa da prebentzio-neurriak areagotzea. Horretarako, hemen dituzu gomendio batzuk.
Sute-arriskua Araban eta Nafarroan
Muturreko sute-arriskua dute, Aemeten araber,a Nafarroan eta Araban, eta abisua horia dute biek ala biek, hiru faktoreren konbinazioagatik: tenperatura altuak, hezetasun erlatibo baxua eta hegoaldeko haizearen intentsitatea.
Zakarreztuloko suteak kezka sortu du egunotan, baina suhiltzaileek kontrolatuta dute, eta ingurua hozten jarraitzen baitute.
Asteburuan ere bero zakarra izango dugu
Larunbatean, alerta laranja ezarriko dute Araban, 13:00etatik 20:00ak arte, tenperatura altuak direla eta; izan ere, 38 ºCra arteko tenperatura maximoak espero dira. Bizkaian eta Gipuzkoan, aldiz, abisu horia egongo da indarrean, 12:00etatik 19:00ak arte, kostaldean 30 ºCra irits daitezkeelako. Barnealdean, berriz, bero handiagoa espero da, eta maximoak 34 ºCra irits daitezke.
Beroak ez du atsedenik emango gauean, eta baliteke kostaldean 20 ºCtik gora izatea, eta, barnealdean, 18 ºC inguru. Hori dela eta, abisu horia ezarriko dute lurralde osoan tenperatura altu iraunkorrengatik.
Euskalmetek egindako iragarpenaren arabera, igandean beroa gailenduko da, baina tenperaturak ez dira aurreko egunetan bezain altuak izango. Hala, 27 ºCra irits daitezkeen maximoak espero dira kostaldean, 34 ºCkoak Bizkaian eta Gipuzkoan, 36 ºCkoak Araba erdigunean eta 37 ºCkoak Ebro ondoko eskualdean.
Albiste gehiago gizartea
Beloradoko moja ohiek Mario Iceta artzapezpikuaren aurka jarritako salaketa artxibatu dute
Erabaki horrek bat egiten du Beloradoko monasterioko moja ohien utzarazpena aldi baterako geldiaraztearekin. Erlijiosoek errekurtsoa jarri duten arren, Artzapezpikutzak eskatu du utzaraztea behin-behinean exekutatzeko, eta gogorarazi du lau kasutan bertan behera geratu dela neurria.
Adituen txosten baten arabera, "gaintentsioaren kateatutako erorikoak" izan ziren itzalaldiaren arrazoia
Elektrizitatea Garraiatzeko Sareen Kudeatzaileen Europako Sareak (Entso-E) apirilaren 28ko gertakariak zerrendatzen dituen txosten bat aurkeztu du. Egun hartan gertatutakoa "erabat berria dela Europan" zehaztu du eta ez du uste energia berriztagarrien ekoizpenak sortu zuenik.
Getariako atun gorriaren haztegian gizendutako lehen aleak portura eraman dituzte
Gezi moduko lantza bat erabili dute atun horien estresa txikitu eta haragia ahalik eta gozoena izan dadin. Atun gorriak portura eraman dituzte, eta bertan pisatu, neurtu eta aztertu dituzte. Orain, proiektua fase berri batean sartuko da.
Dagoeneko 12 familiak jarri dute salaketa Bernedoko kanpalekua dela eta
Sexu-askatasunaren aurkako aurreko lau salaketei beste zortzi gehitu zaizkie orain, EITBk jakin ahal izan duenez. Halaber, ikerketa judiziala hasteko aurretiazko eginbideak ireki dituzte berriki.
70 talde feministak baino gehiagok eta LGTBIQ+ taldeak Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak Xabiertxo, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.