Nafarroak 118 adingabe hartuko ditu urtebeteko epean, dagoeneko "tentsionatuta" dagoen erkidegoa bada ere
Ministroen Kontseiluak onartutako dekretuak ezarri du 100.000 biztanleko 32,6 adingabe artatuko dituztela. Euskadik eta Kataluniak ez lukete harrerako gazterik hartu beharko, orain arte "egindako ahaleginagatik".
Dozenaka migratzaile dituen ontzi bat, Kanarietan. Artxiboko argazkia: Europa Press
Nafarroak 118 adingabe migratzaile hartuko ditu hurrengo hilabeteotan, "dagoeneko tentsionatuta dauden harrera-zerbitzuak" dituen autonomia erkidegoa izan arren, Carmen Maeztu Nafarroako Gobernuko Eskubide Sozialetako kontseilariak nabarmendu duenez. Hala, Espainiako Gobernuak egindako banaketaren arabera dagozkion migratzaile gazteak hartuko ditu, Kanariekin eskuzabal izateko.
Espainiako Gobernuko Ministroen Kontseiluak dekretu bat onartu du astearte honetan, autonomia erkidegoek zenbat lagun artatu dezaketen argitzeko. 100.000 biztanleko 32,6 gazte hartzea ezarri du. Inoren kargura ez dauden adingabe migratzaileak bideratzeko azken urratsa da.
Banaketa horren arabera, Euskadiri 731 plaza egokitu zaizkio guztira, eta Nafarroari, 223. Andaluziak 2.827 adingabe hartu beharko lituzke; Kataluniak, 2.650; Madrilek, 2.325; Galiziak, 886; Gaztela eta Leonek, 783; Kanariek, 737; Gaztela-Mantxak, 692; Murtziak, 517; Aragoik, 441; Balearrek, 406; Extremadurak, 344; Asturiasek, 331; Errioxak, 107; Melillak, 28, eta Ceutak, 27.
Hala ere, Euskadik eta Kataluniak ez lukete harrerako gazterik hartu beharko, orain arte egindako ahaleginagatik. Kataluniak, ordea, gutxienez 31 lagun artatzeko asmoa du, aurreko harrera-kanpainetako kopuru bera. Erkidego gehienak banaketa horren aurka daude, nahiz eta legez behartuta egon.
Testuinguru horretan, Maeztu kontseilari nafarrak adierazi du Foru Komunitateari esleitutako 3 milioiak ez direla nahikoak izango, eta adingabeak hartzeko funts propioak jarri beharko dituztela. Nolanahi ere, azaldu du Espainiako Gobernuarekin elkarlanean arituko direla Kanarietako erkidegoari laguntzeko, "denbora gehiegi baitarama egoera jasanezinean".
Era berean, ziurtatu du egungo egoera PPk gobernatzen dituen erkidegoen "lankidetza faltaren" ondorio dela: "Gobernu zentralak erabaki hori hartu behar izan du, Alderdi Populak agintzen duen autonomia erkidegoen lankidetza faltagatik; izan ere, hasieratik, ez dira prest agertu guztion arazoa den egoerari borondatez erantzuteko".
Halaber, adierazi duenez, "118 adingabe migratzaileak ez dira aldi berean iritsiko, faseka baizik. Lekualdatze-prozedura progresiboa izango da". Dena dela, finkatutako epea urtebetekoa da, eta, Ministerioak adierazi duenez, gutxien tentsionatuta dauden erkidegoekin hasiko da. "Nafarroa da arreta-maila handiena ematen ari den autonomia erkidegoetako bat. Ziurrenik, hilabete honetan ez da adingaberik iritsiko, hurrengo hilabeteetan iritsiko dira", esan du.
"Gure herrira inor gabe iristen diren umeez ari gara, eta harrera duina, solidarioa, eta, ahal izanez gero, humanitarioa emateko betebeharra dugu", adierazi du Pilar Alegria Espainiako Gobernuaren bozeramaileak, Ministroen Kontseiluaren osteko prentsaurrekoan.
Zure interesekoa izan daiteke
La Gilda del Norteko jabeak 18.000 euroko isuna ordaindu beharko du, egoera irregularrean zeuden langileak enplegatzeagatik
Isunaz gain, 7.500 euro ere ordaindu beharko ditu erantzukizun zibilaren kontzeptuan. Epaiaren arabera, langileei ohartarazi zien ikuskapenik egonez gero ezkutatu egin beharko zutela.
Justiziak aseguru-etxea zigortu du 2020an Aulestin Iurgi Beraza hil zeneko harrapaketagatik
Haurraren gurasoek samina eta desadostasuna adierazi dute ebazpenarekin, "ez baita inolaz ere nahikoa, ez irismenari ez arrazoiketari dagokienez". Hala ere, baztertu egin dute epaia errekurritzea, ebazpen judizialekiko errespetuagatik, baina baita "prozesu luze, mingarri eta emozionalki suntsitzaile bati amaiera emateko beharragatik" ere.
Argi izpiak parkinsonaren aurrean: 65 ikerketa proiektu Euskadin, 10.000 gaixori itxaropena emateko
Urtero mila kasu diagnostikatzen dira Osakidetzan, eta egun ohikoena den bigarren gaixotasun neurodegeneratiboa da, alzheimerraren ostean.
Epaileak beste 13 lekuko deitu ditu deklaratzera El Bocaleko pasabidearen auzian
Instrukzio epaileak deklarazio gehiago gehitu ditu instrukzio fasean: pasabidearen proiektua sinatu zuen ingeniariak deklaratuko du, baita Udaltzaingoko eta 112 zerbitzuko buruek, obrako buruak eta 2024an ezbeharra izan zuen pasabidean esku hartu zuten beharginek ere.
12 hegaldi bertan behera geratu dira Bilboko Aireportuan Lufthansako grebaren ondorioz
Guztira, 500 hegaldi baino gehiago geratu dira bertan behera mundu osoan, Lufthansako kabinako langileek ostiral honetarako deitutako greba dela eta.
Lau pertsona artatu dituzte Durangoko etxebizitza batean izandako sutean kea arnasteagatik
Sutea 01:00a aldera piztu da Askatasun etorbideko eraikin bateko 5. solairuan, eta suhiltzaileek garrak itzaltzea lortu dute. Kea arnastu duten lau bizilagunak, tartean adin txikiko bat, Galdakaoko ospitalera eraman dituzte.
Nola eragingo dio trafikoari Itzuliaren Eibarko etapak?
Gaurko etapa, azken-aurrekoa, Eibarren abiatu eta bertan amaituko da. Lasterketak Debabarrena, Urola Kosta eta Lea-Artibai eskualdeak zeharkatuko ditu.
Osasun Itunak ez dituela Osakidetzako arazoak konpondu salatu dute osasun publikoaren aldeko plataformek
Elkarretaratzea egin dute EAEko hiriburuetan, murrizketak salatzeko. Osasun sailburuari hobekuntzaz hitz egiteari uzteko eskatu diote. Mediku falta, itxarote zerrendak, hizkuntza eskubideen urraketak edota psikologo falta daudela salatu dute eta manifestazioak deitu dituzte apirilaren 18rako.
Donostia osoa txuri-urdinez janzteko deia egin du Udalak
Jon Insausti alkateak eta Realak hiritarrei eta Gipuzkoako gizarteari dei egiten diete eraikinetako balkoi eta leihoak bandera txuroi-urdinez apaintzeko. Xabi Prieto eta Aintzane Encinas jokalari ohiak ilusioz beteta agertu dira finalarekin eta Gipuzkoak egunotan bizi duen giroarekin.
Kutxa Fundazioak atzera egin eta Eureka! zientzia museoa zabalik mantenduko du
Erakundeak jakinarazi du azken asteotan egindako "entzute-prozesu" baten emaitza dela erabakia. "Kutxa fundazioak Eurekarekiko babes eta afektu adierazpen ugari jaso ditu, museoak Gipuzkoako herritarrentzat duen balioa berresten dutenak", esan dute.