Eusko Jaurlaritzak "eskola inklusibo, ekitatibo eta kalitatezkoaren" aldeko mahaia jarri du abian, ikasturte hasieran
Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian abiatu dute Eskola Segregazioaren aurkako Itun Sozialaren mahaia, ikasturtearen hasiera ofizialarekin bat eginez.
Abian da 2025-2026 ikasturtea Euskal Autonomia Erkidegoan, eta, indarrean da, horrekin batera, Eskola Segregazioaren aurkako Itun Sozialaren aldeko mahaia, sistema "kohesionatuago, inklusiboago eta justuago" bat eraikitzeko bide-orria markatuko duena, alegia. Imanol Pradales lehendakariak eta Begoña Pedrosa Hezkuntza sailburuak Etxebarri BHI berrian egin dute Eskola Bikaina Denontzat programaren lehen bilera, segregazioa murriztea asmo, ikasturtearen hasiera ofizialarekin bat eginez.
Jaurlaritzak 50 hezkuntza-eragileri diagnostiko bana banatu die, sistemak hurrengo urteetan izango dituen erronka nagusiak aletzen dituena. Foroaren xedea da hezkuntza-sistema eraldatzeko, eskola-segregazioa murrizteko, emaitzak hobetzeko eta eskola-eraginkortasuna indartzeko neurri "iraunkorrak eta egingarriak" adostea.
Lehendakariaren arabera, “sistemak aldaketa izugarriei egin behar die aurre, eta aldaketa horiek ez dute etenik izango”. Hala, uste du beharrezkoak direla “berrikuntza eta egokitzapena”. “Aldaketa horien aurrean adabakiak ez dira aski”, esan du, eta horregatik “sistema sendotu eta prestatu behar dugu”, adierazi du. Oinarriak orain jarri behar direla iritzi dio Pradalesek, “epe laburrean ez ezik, etorkizunean ere kalitatezko hezkuntza bermatzeko, ikasle guztientzat”.
Ildo horretan, adierazi du azken bi ikasturteetan 13.000 matrikula gutxiago erregistratu direla ikasleen hasierako etapetan, jaiotza-tasaren beherakada dela eta.
Era berean, azpimarratu du 2020-2021 ikasturtean 2.500 ikasle matrikulatu zirela ikasturtea hasita zegoela, eta 2024an, berriz, 8.000. Ikasle horietako asko, zehaztu duenez, beste herrialde batzuetatik etorri dira, "hezkuntza-ibilbideak etenda dituzte, ez dakite euskaraz eta, kasu batzuetan, ezta gaztelaniaz ere, eta hezkuntza-laguntzako berariazko premiak dituzte".
Mahaiak administrazio publikoak, sindikatuak, unibertsitateak, itunpeko patronalak, alderdi politikoak eta erakunde sozialak biltzen ditu. Parte-hartzaileen artean daude, esaterako EAJ, PSE-EE, EH Bildu, PP, LAB, UGT, CCOO, UNICEF, Save the Children eta EHIGE erakundeak.
ELA eta Steilas sindikatuak ez dira lehen bilera horretan izan. Steilas sindikatuak ohartarazi du segregazioari aurre egiteko hezkuntza-politikak "kontrako norabidean" doazela, eta, horregatik, ez dute Eusko Jaurlaritzak martxan jarritako mahaian parte hartuko.
Ia 340.000 ikaslek hasi dute ikasturtea
Mahaia 2025-2026 ikasturtearen hasierarekin batera jarri da abian. Aurten Euskadin 339.586 ikaslek hasi dute eskola: % 78,75, D ereduan, eta % 52 inguru, sare publikoan.
Jaiotza-tasak behera egin duen arren, azken bost urteetan matrikula bizia hirukoiztu egin da, 8.000 ikasle izan ziren iaz. Gainera, Lanbide Heziketako ikasle kopuruak gorantz jarraitzen du, 49.555 ikasle izateraino.
Gizarteari buruzko albiste gehiago
Ganadu feriak aldi baterako debekatu dituzte Euskal Herri osoan, dermatosi nodularra dela eta
EAEn eta Nafarroan azaroaren 30era arte egongo da indarrean debekua, eta Ipar Euskal Herrian, berriz, azaroaren hasierara arte. Nolanahi ere, egoeraren bilakaeraren arabera, lurralde guztietan debekua denboran luzatzea erabaki dezakete.
Eusko Jaurlaritzako Segurtasun Sailak bi ertzaini EHUn egindako "boikota" gaitzetsi du
Kriminologia ikastaroko ikasle batzuek protesta egin zuten agente horiek hitzaldi bat eman ez zezaten, eta irakasleek dinamika bertan behera uztea erabaki zuten.
Milia Kuantikoa, zientzia esparruan egiten duten lana ikusarazteko tresna
Aurkezpenean izan dira Zientzia, Unibertsitate eta Berrikuntzako sailburu Juan Ignacio Perez Iglesias, EHUren Gipuzkoako campuseko errektoreorde Juana Goizueta eta Basque Quantumen zuzendari Javier Aizpurua. Bisita birtualerako sarbidea ibilbideko totem fisikoetan instalatutako QR kodeen bidez eta Basque Quantumen webgunearen bidez eskuratu daiteke.
Giza Eskubideen Europako Auzitegiak Espainia zigortu du Iruñean izandako bortxaketa bikoitz bat behar bezala ez ikertzeagatik
Epaiak 2023ko azaroan bi neska iruindarrek aurkeztutako demanda ebazten du. Salaketa horren arabera, 2016ko abenduan bortxatuak izan ziren kontzientzia eta borondatea baliogabetu eta mendetasun kimikoko substantziaren bat (burundanga) emanez zentzu oro kendu ondoren; eta bortxaketa horiek zigorrik gabe geratu ziren, Nafarroako epaitegiek eta auzitegiek kasua artxibatu zutelako epaiketarik egin gabe.
Urtero legez, Balmasedan, putxera bete indaba
Aurten, errekorra hautsi dute eta 231 parte-hartzaile izan dira lehian indaba-jan onenaren tituluagatik. Goizean zehar haizea ibili da, baita euria ere, ez diote jai-giroari enbarazurik egin.
Bilboko gazte bat ikertzen ari dira, TikTok bidez makila-estokeak fabrikatu eta saltzeagatik
Bilboko Udaltzaingoak izapideak ireki ditu San Adriango bizilagun baten aurka. 33 urteko gizonak makila-estokeak fabrikatu eta saltzen zituela zabaltzen zuen sare sozialetan, bideoen bidez.
Benjamin borraskak hainbat intzidentzia eta gorabehera eragin ditu, gehienak errepideetan
Kamioi batek artaziarena egin du N-1ean, Villabona parean, eta errepidea itxi behar izan dute Donostiara bidean. 09:00ak aurretik ezbeharra izan duen Ibilgailua erretiratu dute. Halaber, haize-ufada zakarren ondorioz, zuhaitz bat bidera erori da Meñakan, eta BI-631 errepidea guztiz itxi dute, Bermeora bidean.
45 urte Ortuellako tragediatik, oraindik sendatu ez den zauria
1980ko urriaren 23an, 50 adingabe eta 3 heldu hil ziren Marcelino Ugalde ikastetxe publikoan, gas-leherketa batean. Eskola jada ez da existitzen, baina tragedia haren minak oroimenean irauten du, 45 urte geroago.
Sute izugarri batek Zumaiako baserri bat erre du
Ez da inor zauritu, eraikina hutsik zegoelako. Suhiltzaileak bertaratu dira, sutea itzalitzeko eta sutea zerk eragin duen jakiteko. Zumaia eta Getaria lotzen dituen N-634 errepidea itxi behar izan dute, garrak itzali arte.
Eusko Jaurlaritzak jarduera fisikoa eta ongizatea sustatzeko Mugiment Mahaia aurkeztu du
Mugiment Mahaiaren helburua aldaketa soziala sortzea da, sinergiak sortuz eta modu koordinatuan lan eginez.