Manifestazioak Sestaon eta Baionan, Israel zuritzearen eta Gazako genozidioaren kontra
300 pertsona inguru izan dira Bizkaiko udalerriko protestan; Lapurdiko hiriburukoak, aldiz, 200 pertsona inguru bildu ditu.
Sestaoko manifestariek salatu dute Israelek kirola eta kultura erabiltzen dituela "nazioartean bere irudia zuritzeko". Argazkia: Europa Press.
300 pertsona inguru bildu dira Sestaon eta 200 inguru Baionan larunbat honetan Palestinako egoera salatzeko. Bizkaiko udalerrian egindako protestan, manifestariek salatu dute Israelek kirola eta kultura erabiltzen dituela "nazioartean bere irudia zuritzeko". Lapurdiko hiriburuko manifestazioan, aldiz, berehalako su-etena eskatu, eta Palestinako herriaren "genozidioa" salatu dute.
Sestao Palestina Herri Ekimenak kontzentrazioa egin du larunbat honetan Open Basque Country Txapelketa hartu duen egoitzaren atarian. Izan ere, zazpi xakelari israeldar ziren parte-hartzaileen artean. Kirolariek txapelketatik erretiratzea erabaki duten arren, plataformak ez du protesta bertan behera utzi.
Sestao Palestina Herri Ekimena
Sestaok ez du estatu genozidaren ordezkaririk nahi kaleetan"
Plataformatik "lorpen txiki bat" bezala ospatu dute xakelarien erretiratzea. Bien bitartean, Gazak "genozidioa pairatzen jarraitzen duela" azpimarratu dute manifestariek.
"Sestaok ez du estatu genozidaren ordezkaririk nahi bere kaleetan", adierazi dute. Gainera, manifestazioan Sestaoko Xake Klubaren babesa eskertu dute: "Sestaoko bizilagunek erakutsitako indarrari esker, gure xake klubaren esfortzuarekin batera, lortu da helburua".
Carine, Frantzia-Palestina Elkartasun Elkarteko (AFPS) kidea
Herritarrek protesta egiten badute, gobernuak presionatu eta euren erabakietan eragin dezakete"
Lapurdiko hiriburuan, aldiz, 200 bat lagun izan dira Frantzia-Palestina Elkartasuna (AFPS) elkarteak eta Baiona Palestinarekin kolektiboak deitutako manifestazioan. Gazako Zerrendaren egoera humanitarioa salatu dute bertan, Hamaseko Osasun Ministerioaren arabera, 64.700 pertsona baino gehiago hil eta 164.000 zauritu dituztelako 2023ko urritik.
"Herritarrek protesta egiten badute, gobernuak presionatu eta euren erabakietan eragin dezakete", adierazi du AFPSko kide batek.
Zure interesekoa izan daiteke
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.