Osakidetzak iaz baino % 11 txerto gehiago jarri ditu, eta gripearen aurka immunizatzeko deia egin du
75 urte baino gehiago edo gaixotasun kronikoren bat dutenek, nahi izanez gero, zita eskatu dezakete gripearen eta covidaren aurkako txertoa hartzeko.
Osakidetzak berriro ere dei egin die herritar guztiei gripearen aurrean beren buruak babes ditzaten, aurten epidemiaren gailurra aurreratu egingo dela aurreikusten dutelako. Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
Hori dela eta, gonbidapena herritar guztiei zabaltzea erabaki da. Gainera, Bilboko Casillako txertaketa-zentroan, 14 urtetik gorako pertsona oro txertoa jartzera joan daiteke, aldez aurretik hitzordua eskatu gabe. Orain arte 12.438 pertsonak jarri dute txertoa leku horretan.
Hain zuzen ere, Bizkaian atzeman dira gripe kasu gehien, 160 kasu 100.000 biztanleko. Gainontzeko lurraldeetan kasu gutxiago antzeman dira: Gipuzkoan, 58, eta Araban, 23.
Lore Bilbao Osakidetzaren zuzendari nagusiak gogorarazi duenez, orain arte EAEko biztanleen % 18k jarri dute txertoa. Gainontzekoak "ahalik eta azkarren immunizatu behar direla" azpimarratu du, Eguberrietan kutsatze-kopurua areagotu egiten delako.
Osakidetzak haurrak txertatzea beharrezkotzat jo du. Izan ere, Lehen Mailako Arretako osasun-zentroetan antzeman dute gripearen intzidentzia bereziki handia dela 5 urtetik beherakoen artean. Emakume haurdunen artean, berriz, orain arteko estaldura % 38,6koa da.
Zure interesekoa izan daiteke
Gutxienez lau kilometroko auto-ilarak N-1 errepidean, Legorretan, bi ibilgailuk istripua izan ostean
N-1 errepideko 425. kilometroan, Legorretan, Irungo noranzkoan, izandako ezbehar baten ondorioz, errepidea itxi behar izan dute eta 422. irteeratik bideratu dute zirkulazioa. Errei bat berriro ireki badute ere, lau kilometroko auto-ilarak daude oraindik.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.
Euskal panettone bat Italian lehiatuko da nazioarteko final handi batean
Markina-Xemeingo Tate gozotegiaren panettonea urteko panettone iberiko onenaren finalean lehiatuko da, beste hamarrekin batera. Martxel Iridoy gozogileak bere panettonearen osagaiak argitu dizkigu.
220 ibilgailu eta 384 langile prest daude Nafarroan, neguak errepideetan sor ditzakeen arazoei aurre egiteko
'Neguak ez zaitzala errepidean ustekabean harrapatu' goiburupean, kanpaina abiarazi du Foru Gobernuak, herritarrek ibilgailuak prest izan ditzaten.
Jorge Bermudez: “Adingabeen delituzko portaeraren ondoriozko neurriak gurasoen gain erori daitezke”
Jorge Bermudez Gipuzkoako Fiskaltzako bozeramaileak jakinarazi duenez, 14 urtetik beherakoek adin nagusikoentzat delitutzat hartuko liratekeen egintzak egitea gurasoen zaintza- eta heziketa-eginkizun desegokiaren ondorio izan daiteke. Hori dela eta, halakoetan, izaera zibileko edo administrazioko neurriak har daitezkeela iragarri du, familiei zuzenduta.
Oteizako azpiestazioaren atzean "espekulazio energetikoa" dagoela salatu dute
Tierra Estella No se Vende herri plataformak ziurtatu du azpiegiturak ez diela erantzuten "eskualdeko energia beharrei", eta 66 kVtik 220 kVra jauzi egiteko ze arrazoi dauden justifikatzea eskatu du.
Amaya Zabarteren senarrak uste du Zupiriak ez duela auziari buruz "ezer argitara emango"
Bestalde, jakinarazi du Reala-PSG partidaren atarian Ertzaintzak egindako kargekin lotuta, hirugarren salaketa bat aurkeztuko duela beste pertsona batek.
Euskararen aitortza eta baliabideak eskatu dituzte Baionako Euskal Museoaren aurrean
Baionako Museoan ikusgai den Bernat Etxepareren "Linguae Vasconum primitiae" euskaraz inprimatutako lehen liburua, Parisera itzuliko dute bi hilabete pasatuta. Bere lekua hemen dagoela aldarrikatzearekin batera, euskararentzat aitortza eta baliabideak eskatu dituzte gaur Euskalgintzaren Kontseiluak eta Euskal Konfederazioak. Halaber, abenduaren 27an Bilbon izango den euskararen aldeko ekitaldian parte hartzeko deia egin dute.
Terapiako txakurrek "segurtasuna eta konfiantza" ematen diete sexu-abusuak jasan dituzten adingabeei
Hamar urte dira Bizkaian sexu-abusuen biktima izan diren adingabeek txakurrekin terapia egiteko aukera daukatela. Urtetik urtera, gainera, emaitza hobeak ematen dituela diote adituek. Hala, Euskadin lehen aldiz, epaile batek baimendu du biktima adingabe batek txakur horietako bat alboan zuela deklaratu ahal izatea.
Gizon bat atxilotu dute Angelun bikotekide ohia hiltzen saiatzeagatik
Atxilotuak igandean harrapatu zituen bere ibilgailuarekin emakumea eta haren anaia. Biktimak Baionako ospitalera eraman zituzten.