Zazpi euskal emakume hil dituzte indarkeria matxistaren ondorioz 2025ean
Biktimen artean bikotekide gizonezkoek eraildako lau emakume, aitak hildako neska adingabe bat eta semeek hildako adineko bi emakume daude.
13 urteko neska baten hilketa salatzeko kontzentrazioa, Bilbon. Argazkia: EFE
Borroka feministari esker emakumeen kontrako indarkeriaren inguruan gero eta kontzientziazio handiagoa dagoen arren, ez da erraza indarkeria matxista atzean uztea. Urteak daramatzate erakunde publiko zein pribatuek hezkuntza kanpainak eta biktimei laguntzeko arreta-zerbitzuak hobetzen, baina kasuen kopuruak ez du behera egiten.
EAEn soilik, indarkeria matxistarekin lotutako ia 6.000 salaketa jaso ditu Ertzaintzak urtarriletik urrira bitartean. Zazpi euskal emakume hil dituzte aldi horretan; bi, Euskal Herritik kanpo:
Urtarrilak 3: 63 urteko gizon bat atxilotu zuten Barakaldon, 84 urteko ama kolpeka hiltzeagatik. Hilketa familia barruko indarkeriatzat jo zen.
Otsailak 5: 47 urteko gizon bat atxilotu zuten Irunen, 74 urteko ama hiltzeagatik. Hilketa familia barruko indarkeriatzat jo zen.
Apirilak 25: Gizon bat atxilotu zuten Haron (Errioxa), 36 urteko bikotekidea hiltzeagatik. Emakumea Gasteizkoa zen jatorriz.
Maiatzak 30: Gizon batek bere buruaz beste egin zuen Bilboko Errekalde auzoan, 13 urteko alaba hil eta haren bikotekidea, neskatoaren ama, zauritu ondoren.
Ekainak 7: 47 urteko gizon bat atxilotu zuten Marbellan (Malaga) bikotekidea, 53 urteko emakumea, hiltzeagatik. Gasteiztarra zen biktima.
Uztailak 29: 85 urteko gizon bat atxilotu zuten Zizur Nagusian, 78 urteko emaztea hiltzeagatik. Etxeko espetxealdia ezarri zioten.
Urriak 15: 47 urteko gizon bat atxilotu zuten Zarautzen, 53 urteko bikotekidea hiltzeagatik.
Kontuan izan behar da, gainera, aurreko urtean ere zazpi euskal emakume hil zituztela.
Espainiako Estatuari dagokionez, 2003ko urtarrilaren 1ean datua erregistratzen hasi zirenetik, 1.333 emakume hil dituzte.
Frantziako Estatuan ez dago horrelako erregistrorik, baina iaz 107 emakume hil zituzten bikotekideek.
----------------------------------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute arrastorik uzten fakturan, baina bai telefonoan. Beraz, ez ahaztu ezabatzea.
Zure interesekoa izan daiteke
Sarrigurengo hilketa matxistaren egilea espetxeratu dute
Epaileak ohartarazi du hiltzaileak ihes egiteko arriskua duela, hilketa eta giza hilketa saiakuntza delituengatik dituen zigorrak tarteko.
Bizkaiko bi ikastetxe publikok eta Arabako batek Nazioarteko Batxilergoa eskainiko dute datorren ikasturtean
Titulazio bikoitza lortzeko aukera izango dute, beraz, ikasleek: Batxilergoko titulu ofiziala eta Nazioarteko Batxilergoko diploma. Horretarako, gutxienez 8,25eko nota izango beharko dute ikasleek, eta Ingeles eta Euskara ikasgaietan ere bai.
Pertsona bat hil da eta beste bat larri zauritu da Arabako piroteknia-enpresa batean izan den leherketan
Ezbehar larria goizeko 11:00 pasatxoan gertatu da FML enpresan, Lantaron udalerrian.
Mehatxuen aurrean, EAEko erakundeek feminismoa "defendatzeko eta zabaltzeko" deia egingo dute aurtengo M8ko kanpainan
Urtero bezala, martxoaren 8ko kanpaina ondu dute Emakundek, Foru Aldundiek eta Eudelek. "Eman tokia berdintasunari" izango du lelotzat, eta gaurtik M8ra, berdintasuna zaindu eta babesteko eremua dela aldarrikatuko dute.
Kosner Baskoniak bihar ospatuko du Kopako titulua Andre Maria Zurian, 19:00etan
Kosner Baskoniak Espainiako Kopa irabazi osteko gaua luze joan da Gasteizen. Taldea goizaldean iritsi da hiriburura, eta zaleek kale eta plazak hartu dituzte, festa giroan. Asteartean izango da harrera ofiziala.
Albiste izango dira: Kosner Baskonia Kopako txapeldun!, EHUren Arabako campusa itxita eta greba eguna Tubos Reunidosen
Gaurkoan Orain-en albiste izango direnen laburpena, bi hitzetan.
Festa lehertu da Gasteizen, Kosner Baskoniak garaipen historikoa lortu du eta
Ospakizun-gaua izan da Arabako hiriburuan, Valentzian Kosner Baskoniak Real Madrilen aurka irabazi du eta. Ehunka zale Roig Arenara joan dira, eta Gasteizen, berriz, Dato eta Aiztogile kaleak jarraitzailez bete dira, 17 urteren ostean iritsi den Kopa, klubaren zazpigarrena, ospatzeko.
Istilurik ez, Voxek EHUko campusean egin duen kontzentrazioan
EHUk aurrez aurreko eskolak bertan behera utzi ditu astelehen honetan, segurtasuna bermatzeko asmoz. Izan ere, Voxek ekitaldia deituta zuen eguerdirako, campusaren inguruan, eta horren aurrean Euskal Herriko Ikasle Antolakunde Sozialistak kontramanifestazioa deitu zuen. Goizean goizetik Ertzaintzak eremua hesituta izan du eta ez da istilurik izan.
Zoramena eta poza Gasteizen, Baskoniak Errege Kopa irabazi ostean
Ehunka gazte bildu dira arratsaldetik Gasteizko Alde Zaharrean Real Madril-Baskonia saskibaloi finala ikusteko. Etxekoek irabazi dutela ikusitakoan kantuak, oihuak eta bengalak izan dira kaleetan. Andre Mari Zuriaren plazan jendetza bildu da ospakizunetan eta jaia luze joango da.
Gizon bat atxilotu dute Irunen edukiontzi bat erretzeagatik, eta azken hilabeteetako gertakarien atzean ote dagoen ikertzen ari dira
Ertzaintzak ikerketa zabalik du, atxilotuak azken bi hilabeteetan izan diren antzeko ekintzetan parte hartu ote duen jakiteko. Eraso horiek hainbat kalte eragin dituzte ibilgailuetan eta hiri-altzarietan.