Barakaldoko 54 urteko emakumearen heriotza hilketa matxista izan dela baieztatu dute
27 urteko gizon bat atxilotu dute ustezko hiltzaile gisa. Agintariek hilketa gaitzetsi eta elkarretaratzea deitu dute gaurko: 12:00etan, Barakaldoko Herriko Plazan. Argitan talde feministak, bestalde, beste bilkura bat deitu du: 19:00etan, Bide Onera plazan.
Atzo Barakaldon hilda topatu zuten 54 urteko emakumea indarkeria matxistaren biktima izan dela baieztatu du Eusko Jaurlaritzak.
EAEko erakundeek, Jaurlaritzak berak eta Barakaldoko Udalak, hilketa matxista gaitzetsi dute eta hura salatzeko elkarretaratzea deitu dute. 12:00etarako deitu dute, Barakaldoko Herriko Plazan.
Maria Ubarretxena Eusko Jaurlaritzaren bozeramaileak gobernu bileraren osteko agerraldian baieztatu du albistea. "Indarkeria matxistaren beste biktima bat daukagu", deitoratu du.
Bestalde, Argitan talde feministak beste bilkura bat deitu du gaurko. Kasu horretan, 19:00etan egingo dute, Bide Onera plazan. Ezkerraldeko Itaiak ere bat egin du deialdiarekin.
Itaiak elkarretaratzeak egingo ditu:gaur 19:00etan Lizarran, 19:30ean Legazpin eta 20:00etan Gernikan; eta asteazkenean, 13:00etan, Beasainen.
Ertzaintzak 27 urteko gizon bat atxilotu zuen bart, Getxon, hiltzailea delakoan. Gizonezkoa eraildako emakumearen etxera eraman dute agenteek gaur arratsaldean, bertan gertakariak berregiteko.
Autopsiak baieztatu egin du heriotza bortitza izan zela. Gainera EITBk jakin du emakumea ito egin zutela, eta ustezko hitzailearekin laneko harremana zuela.
Poliziak ikertzen jarraitzen du, zer gertatu zen argitzeko.
Barakaldoko Udala, herri akusazio
Barakaldoko Udalak Erasoen kontrako Mahaiaren bilera deitu eta kasu horietarako ezarrita dagoen protokoloa abiatu du. Hala, bilkura deitzeaz gain, xingola beltza eta puntu morea paratu dituzte udaletxeko balkoian.
Horrez gain, Udalak jakinarazi du auzian pertsonatuko dela, herri akusazio gisa.
Hildako emakumearen senitarteko, lagun eta gertukoei doluminak eta babesa agertu dizkio Udalak, eta baliabideak eskaini.
Bestalde, Barakaldoko Udalaren Bozeramaile Batzordeak adierazpen instituzionala izenpetu du, eta hilketa "irmo" gaitzetsi.
Emakundek ere bat egin du gaitzespenarekin, eta herritarrei bilkuran parte hartzeko deia egin die.
Zure interesekoa izan daiteke
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Fiskaltzak dio Maialen Mazonen ustezko hiltzaileak "nahita" hil zuela emakumea eta egoeraz "jakitun" zegoela, eta uste du sufri zezan jardun zuela
Arabako Lurralde Auzitegian, Maialen Mazonen hilketa argitzeko epaiketan aldeak ondorioak aurkezten ari dira gaur. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik; izan ere, argi dute Maialeni hiltzeko helburuz eman zizkiola 13 labankada, eta une oro zela egiten zuenaz kontziente.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita Iruñean epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.