Epaileak espetxera bidali du Iruñean emakume bat labanaz zauritu zuen 84 urteko gizona
Erasoa ostiralean gertatu zen, Arrotxapea auzoan, eta zerbitzuz kanpo zegoen foruzain batek geldiarazi zuen gizona. Larri zauritu zuen emakumea.
Iruñeko Instrukzioko 5 zenbakiko Epaitegiko buruak espetxera bidali du joan den ostiralean emakume bati sabelean labankada eman eta larri zauritu zuen gizona. ZIUn dago emakumea erasoaren ondorioz, eta hilketa saiakera egotzi diote 84 urteko erasotzaileari.
Epaileak kaleratutako autoaren arabera, gizonak hitzordua egin zuen Iruñeko Arrotxapea auzoan, kalean, emakumearekin, eta, une jakin batean, "hainbat kolpe eman zizkion, eta hiltzeko asmoz, aldean zeraman labana batekin sastatu egin zuen".
Zerbitzuz kanpo zegoen foruzain baten erasoa ikusi eta erasotzailea geldiarazi eta desarmatu zuen. Ondoren, inguruan zebiltzan Polizia Nazionaleko bi agente joan zitzaizkion laguntzera.
Abdomeneko traumatismoa eta zauri larria jasan zituen sabelaldean. Lesioak eragin zizkion gibelean eta barean eta "barne-hemorragia handia" izan zuen. Urgentziazko kirurgia abdominala egin behar izan zioten eta ZIUn ospitaleratuta geratu zen.
Magistratuak espetxera bidali du akusatua, ihes egiteko arriskua saihesteko, eta, aldi berean, biktima babesteko neurriak hartu ditu.
Epaileak errefusatu egin du, halaber, akusatuak "zehaztu gabeko osasun mentaleko tratamenduan" egoteagatik bere ahalmen kognitibo eta borondatezkoetan mugatuta izatea.
Autoan ez dira azaltzen akusatuak erasoa egiteko izan zitzakeen arrazoiak, ezta emakumearekin zuen harremana ere.
Zure interesekoa izan daiteke
Bost persona hil dira Santanderren, itsas ondoko egurrezko pasabide bat hondoratuta
Orain arte zabaldutako informazioaren arabera, beste pertsona bat desagertuta dago, eta bat bizirik ateratzea lortu dute. Kantabriako lanbide heziketako zentro bateko ikasle talde bat zen.
Errenteriako Udalak 25 plazako lan-eskaintza bat eten du, euskara eskakizunaren aurkako helegite baten ondoren
Udal administrazioko postuetarako eskaintza azaroan zabaldu zen, eta eskakizunen artean, C1 euskara maila zehaztuta zegoen lanpostu guztietan.
Gasteizko gotzaina: "Ez genuke inoiz gertatu behar ez zena gogoratzen ibili behar"
Juan Carlos Elizaldek 1976ko martxoaren 3an Poliziak eraildako bost lagunetako bakoitza gogoratu du, 50. urteurrenaren harira ospatutako mezaren homilian. Arabako Elizaren ordezkari nagusiak adierazi duenez, "gure hurbiltasuna eta otoitza berritzen dugu biktimen alde eta gertaera horiek markatutako guztien alde".
Osakidetzak "txertaketa sistemaren segurtasuna" indartuko du, "berehalako eta epe ertainerako" neurriekin
Bi hilabeteko epean, besteak beste, erosketa-agiriak berrikusiko dira, zentro bakoitzeko txertaketa arduradun bat izendatuko da eta hozteko ekipoak kudeatzeko protokolo berria ezarriko da.
AP-8 autobideak bidegurutze hobea izango du Oiartzunen, eta agian lotune berri bat, Orion
Gipuzkoako Foru Aldundiak 8,1 milioi euro bideratuko ditu AP-8 autobidearen eta GI-20 errepidearen arteko bidegurutzearen segurtasuna hobetzeko, Bilborako noranzkoan, eta Orion bi noranzkoetan lotura osoa egitea aztertzen ari da.
EHIGEk segregazioaren aurkako itunaren mahaia utzi du, Hezkuntzak diagnostiko "partziala" egin du eta
Euskal Eskola Publikoko Gurasoen Konfederazioak salatu duenez, aplikatutako metodologia "parte-hartze prozesu errealak izan behar duenaren antitesia da"
Ekialde Hurbilean dauden 45 euskal herritarrekin harremanetan jarri da Jaurlaritza
Eusko Jaurlaritzako Kanpo Harremanetarako Idazkaritza Nagusiak komunikaziorako hainbat bide zabaldu ditu, inguru hartan dauden euskal herritarrei egoera bideratzen laguntzeko. Ekialde Hurbilean egoitzak dituzten euskal enpresekin ere jarri dira kontaktuan.
Bizkaiko Foru Aldundiak ke-detektagailuak jarriko ditu Bustuarialdeko adinekoen eta pertsona kalteberen 2.450 etxetan baino gehiagotan
Etxeko suteen ondoriozko arriskuak murrizteko plan pilotu bat da, eta gero beste eskualde batzuetan ezarri ahal izatea da asmoa.
Maialen Mazonen hilketa argitzeko epaiketa maiatzaren 4an hasiko da
32 urteko emakumea (bikiez haurdun zegoen) bikotekide ohiak hil omen zuen 2023ko maiatzaren 27an, Gasteizko apartahotel batean, urruntze agindua urratu zuen aldietako batean.
Ikerketa eta trazabilitate batzordearen txostenak baieztatu du hainbat akats izan zirela Osakidetzako txertoen kudeaketan
Iraungitako dosien inguruko ikerketaren arabera, txertaketa-sistemaren banaketan, trazabilitatean eta barne-kontroletan egon dira arazoak.