Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak berretsi egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, orain gutxi Osakidetzan iraungitako txertoekin izandako polemika gogoraraziz.
Eztabaida berri bat piztu da txertoen inguruan, Osakidetzan. Osasun Sailak berretsi egin du hotz-katean akats bat egon dela, EH Bilduk gaur goizean gertatutakoa salatu ostean, eta berriro txertatuko ditu 17 kaltetuak: bost Lasarten eta hamabi Arangoitin (Bilbo).
Dosi horiek adingabeei zein helduei eman zitzaizkiela argitara eman eta gutxira, koalizio abertzaleak ekimena erregistratu du Eusko Legebiltzarrean, Alberto Martinez Osasun sailburuari premiazko azalpenak exijitzeko. Rebeka Ubera legebiltzarkideak ohartarazi du akatsa behin dosiak eman eta gero atzeman zela.
Uberak Txertoen Ikerketa eta Trazabilitate Batzordearen txostena gogorarazi du —Euskadin iraungitako txertoak emateagatik sortutako krisiaren ondoren sortua—. Dokumentu horren arabera, itzulezina den edozein alterazio termikok txertoaren indar immunizatzailea erabat indargabetzen edo nabarmen murrizten du, itxuraz nabari ez den arren
Egoera honen aurrean, alderdi abertzaleak "ulertezintzat" jo du Osakidetzan hain larria den gertakari bat berriro gertatzea, eta premiaz argitzeko eskatu du nola saihestuko den antzeko hutsik berriro gerta ez dadin.
Zure interesekoa izan daiteke
Txirrindulari bat hil da Forondan, auto batekin izandako istripu batean
Ezbeharra 08:50ak baino minutu batzuk lehenago gertatu da, A-4306 errepideko biribilgune batetik gertu.
Eibarko Udalbatzak ezohiko osoko bilkura egingo du gaur, San Joan jaietako sokamuturrak bertan behera utzi edo ez erabakitzeko
Bilkura arratsaldeko 19:00etan egingo da, eta ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Amaitu da Martuteneko presoak Zubietako espetxe berrira lekualdatzeko prozesua
Ertzaintzaren konboi batek 230 preso eraman ditu asteazken honetan Martutenetik Zubietako espetxe berrira, segurtasun neurri zorrotzekin. Operatibo honekin amaitutzat eman da espetxe zaharraren huste historikoa.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.