Italiako lau kazetari bahitu dituzte Libian
Zawiyatik Tripolira kotxez zihoazen lau kazetari italiar bahitu dituzte Libian, Italiako Gobernuak adierazi duenez. Kazetariak Claudi Monici (Avvenire), Domenico Quirico (La Stampa), eta Elisabetta Rosaspina eta Giuseppe Sarcina (Corriere della Sera) dira.
Bahiketaren nondik norakoak ez daude argi oraindik, baina lau kazetariak ondo omen daude, Moniciri bere egunkariaren erredakzioarekin harremanetan jartzea utzi baitiote bahitzaileek. Horrez gain, Guido De Sanctis Begansiko kontsul italiarrak bahitutako beste kazetari batekin hitz egin omen du, eta lau bahituak ondo daudela eta bahitzaileek janaria eman dietela azaldu du.
De Sanctisek adierazi duenez, Tripoliko apartamentu batean daude bahituta lau kazetariak, Muamar el Gadafik Bab El Aziziya duen gotorlekuaren eta Rixos hotelaren artean. -Hotel horretan daude ostatatuta nazioarteko informazioa igortzen duten kazetariak-. Monicirekin izandako elkarrizketan kontatu duenez, lapurtu egin dietela esan du kazetariak, telefono mugikorrak barne. Zawiyahko hirian zeuden kazetariak, Tripolitik 50 kilometrora. Antza denez, Libiako hiriburura kotxez joan nahi zuten, eta gidari batekin hitzartuta zeuden arren, ez da inor beraien bila joan.
Gadafiren aldeko indarrek Tripoliko erdigunea bonbardatu dute
Muamar Gadafi Libiako buruzagiaren aldeko indarrak Tripoliko erdigunearen barruti batzuk bonbardatzen ari dira, astearte honetan erreboltariek menderatutako Bab al Aziziya gotorlekua barne, errebeldeen bozeramaile batek jakitera eman duenez.
Evan Hill Al Yazira kateko kazetariak azaldu duenez, erasoak Bab al Aziziya gotorlekuaren aurka ere izan dira. Honen esanetan, hiru etxafuego erori dira Gadafiren egoitza honen barnean baina nondik etorri diren ez dakite.
Gainera, erreboltarien buruzagi batek adierazi duenez, baliteke Gadafi hiriburuaren hegoaldean izkutatuta egotea. "Gadafi Tripoliren leku batean edo bestean dagoela uste dugu, seguruenik Al Hadhba al Jadrako zonaldean", baieztatu dio Abdulrahman errebeldeen buruzagiak Reuters albiste agentziari. "Izan ere, erasoaldiak izaten ari dira bertan".
Erreboltarien arabera, Libiako % 95a menperatu dute dagoeneko.
37 kazetari atzerritarrak, aske
Tripoliko Rixos Hotelean Gadafiren aldekoek giltzapetutako 37 kazetari atzerritarrak askatu dituzte asteazken honetan, Al Arabiya kateak jakinarazi duenez.
Informazioa emateko, iturri honek kazetari atzerritar bati egin dio aipamena. Honen arabera, Gadafiren indarrak hoteletik erretiratu direnean, kazetariak aske geratu dira.
Hil edo garaipena lortu arte
Muamar Gadafi buruzagi libiarrak hil edo garaipena lortu arte borrokatuko duela hitz eman du herrialde afrikarreko irrati kate batean. Lurraldearen kontrola lortzeko gerra amaierara iristen ari den momentu batean egin ditu adierazpenok Gadafik.
Koronel libiarrak esan du Tripoliko jauregitik alde egiteko erabakia "mugimendu taktikoa" izan dela, NATOren bonbardaketen jomuga izan delako.
Lehenengo aldia da Gadafi libiarrei zuzentzen zaiela matxinoek ia Tripoli osoaren kontrola hartu zutenetik. Inork ez daki koronela non dagoen, baina Saif al Islam semeak ziurtatu du Libian jarraitzen duela.
Presidentearen jauregia, matxinoen esku
Libiako matxinoek Muamar el Gadafi Libiako buruzagiaren Tripoliko egoitzaren kontrola bereganatu dute astearte honetan. Dirudienez, gizonezko talde batek Gadafiren jauregira sartzea lortu du eta garaipena ospatu du oihuka eta airera tiroak botaka. "Ala handiena da. Bab al Aziziya bereganatzea lortu dugu, Tripoli aske da", oihukatu dute erreboltariek.
Telebista arabiarrek zabaldu dutenez, errebelde talde bat gotorlekuaren barnean ari da, zaborraren eta kearen artean, Gadafiren aldeko gizonezkoen bila.
Nazio Batuek bilera deitu dute ostiralerako
Bab Al Aziziya gotorlekuaren lorpena ezagutu bezain laster, Nazio Batuek Libiako egoera aztertzeko bilera bat deitu dute ostiral honetarako. Bilera honetara Liga Arabiarra, Afrikako Batasuna, Europar Batasuna eta Biltzar Islamikoaren Erakundea gonbidatu dituzte.
Bestalde, 1,5 bilioi dolarrei blokeoa kenduko diela iragarri du AEBek, transizio demokratikoa babesteko eta Libiako biztanleria laguntzeko asmoz.
Hauteskundeak zortzi hilabete barru
Mustafa Abdul Jalil Libiar Transiziorako Kontseilu Nazionaleko presidenteak adierazi duenez zortzi hilabete barru hauteskundeak egin ahal izango dira lurraldean.
Italiako "La Republica" egunkarian egin dioten elkarrizketan adierazi duenez, "zortzi hilabete barru hauteskunde Parlamenturako eta presidentziarako hauteskundeak ospatu ahal izango dira".
Zawiyatik Tripolira kotxez zihoazen lau kazetari italiar bahitu dituzte Libian, Italiako Gobernuak adierazi duenez. Kazetariak Claudi Monici (Avvenire), Domenico Quirico (La Stampa), eta Elisabetta Rosaspina eta Giuseppe Sarcina (Corriere della Sera) dira.Bahiketaren nondik norakoak ez daude argi oraindik, baina lau kazetariak ondo omen daude, Moniciri bere egunkariaren erredakzioarekin harremanetan jartzea utzi baitiote bahitzaileek. Horrez gain, Guido De Sanctis Begansiko kontsul italiarrak bahitutako beste kazetari batekin hitz egin omen du, eta lau bahituak ondo daudela eta bahitzaileek janaria eman dietela azaldu du.De Sanctisek adierazi duenez, Tripoliko apartamentu batean daude bahituta lau kazetariak, Muamar el Gadafik Bab El Aziziya duen gotorlekuaren eta Rixos hotelaren artean. -Hotel horretan daude ostatatuta nazioarteko informazioa igortzen duten kazetariak-. Monicirekin izandako elkarrizketan kontatu duenez, lapurtu egin dietela esan du kazetariak, telefono mugikorrak barne. Zawiyahko hirian zeuden kazetariak, Tripolitik 50 kilometrora. Antza denez, Libiako hiriburura kotxez joan nahi zuten, eta gidari batekin hitzartuta zeuden arren, ez da inor beraien bila joan.Gadafiren aldeko indarrek Tripoliko erdigunea bonbardatu duteMuamar Gadafi Libiako buruzagiaren aldeko indarrak Tripoliko erdigunearen barruti batzuk bonbardatzen ari dira, astearte honetan erreboltariek menderatutako Bab al Aziziya gotorlekua barne, errebeldeen bozeramaile batek jakitera eman duenez. Evan Hill Al Yazira kateko kazetariak azaldu duenez, erasoak Bab al Aziziya gotorlekuaren aurka ere izan dira. Honen esanetan, hiru etxafuego erori dira Gadafiren egoitza honen barnean baina nondik etorri diren ez dakite. Gainera, erreboltarien buruzagi batek adierazi duenez, baliteke Gadafi hiriburuaren hegoaldean izkutatuta egotea. "Gadafi Tripoliren leku batean edo bestean dagoela uste dugu, seguruenik Al Hadhba al Jadrako zonaldean", baieztatu dio Abdulrahman errebeldeen buruzagiak Reuters albiste agentziari. "Izan ere, erasoaldiak izaten ari dira bertan". Erreboltarien arabera, Libiako % 95a menperatu dute dagoeneko. 37 kazetari atzerritarrak, askeTripoliko Rixos Hotelean Gadafiren aldekoek giltzapetutako 37 kazetari atzerritarrak askatu dituzte asteazken honetan, Al Arabiya kateak jakinarazi duenez. Informazioa emateko, iturri honek kazetari atzerritar bati egin dio aipamena. Honen arabera, Gadafiren indarrak hoteletik erretiratu direnean, kazetariak aske geratu dira. Hil edo garaipena lortu arteMuamar Gadafi buruzagi libiarrak hil edo garaipena lortu arte borrokatuko duela hitz eman du herrialde afrikarreko irrati kate batean. Lurraldearen kontrola lortzeko gerra amaierara iristen ari den momentu batean egin ditu adierazpenok Gadafik.Koronel libiarrak esan du Tripoliko jauregitik alde egiteko erabakia "mugimendu taktikoa" izan dela, NATOren bonbardaketen jomuga izan delako.Lehenengo aldia da Gadafi libiarrei zuzentzen zaiela matxinoek ia Tripoli osoaren kontrola hartu zutenetik. Inork ez daki koronela non dagoen, baina Saif al Islam semeak ziurtatu du Libian jarraitzen duela.Presidentearen jauregia, matxinoen eskuLibiako matxinoek Muamar el Gadafi Libiako buruzagiaren Tripoliko egoitzaren kontrola bereganatu dute astearte honetan. Dirudienez, gizonezko talde batek Gadafiren jauregira sartzea lortu du eta garaipena ospatu du oihuka eta airera tiroak botaka. "Ala handiena da. Bab al Aziziya bereganatzea lortu dugu, Tripoli aske da", oihukatu dute erreboltariek. Telebista arabiarrek zabaldu dutenez, errebelde talde bat gotorlekuaren barnean ari da, zaborraren eta kearen artean, Gadafiren aldeko gizonezkoen bila. Nazio Batuek bilera deitu dute ostiralerakoBab Al Aziziya gotorlekuaren lorpena ezagutu bezain laster, Nazio Batuek Libiako egoera aztertzeko bilera bat deitu dute ostiral honetarako. Bilera honetara Liga Arabiarra, Afrikako Batasuna, Europar Batasuna eta Biltzar Islamikoaren Erakundea gonbidatu dituzte. Bestalde, 1,5 bilioi dolarrei blokeoa kenduko diela iragarri du AEBek, transizio demokratikoa babesteko eta Libiako biztanleria laguntzeko asmoz.Hauteskundeak zortzi hilabete barruMustafa Abdul Jalil Libiar Transiziorako Kontseilu Nazionaleko presidenteak adierazi duenez zortzi hilabete barru hauteskundeak egin ahal izango dira lurraldean. Italiako "La Republica" egunkarian egin dioten elkarrizketan adierazi duenez, "zortzi hilabete barru hauteskunde Parlamenturako eta presidentziarako hauteskundeak ospatu ahal izango dira".
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.