Israelgo misilen aurkako sistemak kohete bat geldiarazi du
Cupula de Hierro izeneko Israelgo misilen aurkako sistemak Gazatik Tel Avivera zihoan kohete bat geldiarazi du. Ezedin Al Kassem taldeko matxinoek (Hamasen beso armatua) euren gain hartu dute erasoa ohar batean adierazi dutenez. Tel Aviv herrialdeko bihotz ekonomikoaren aurka bi kohete jaurti dituztela esan dute.
Asteazkenean "Defentsarako zutabea" operazioa hasi zenetik, hirugarrenez sirenak jo du (1991ko Golkoko Gerraz geroztik lehen aldiz gertatu da).
Israelek Hamaseko lehen ministroaren egoitza bonbardatu du
Bestalde, Israelgo Armadak Ismail Haniyeh Hamaseko lehen ministroaren egoitza bonbardatu du larunbat goizaldean Gazako erdigunean, Maan Palestinako albiste-agentziak jakitera eman duenez.
Honen arabera, lau misilek eraikinaren kontra egin dute talka eta sute handia eragin dute. Hisham Kandil Egiptoko lehen ministroa bertan izan zen ostiralean Palestinako herriari elkartasuna erakusteko.
Lekukoen arabera, lau solairutako eraikina guztiz suntsituta geratu da. Momentuz ez dute biktimen inguruko informaziorik zabaldu. Israelgo Armadaren iturriek diotenez, erasoaren unean eraikina hutsik zegoen.
Halaber, Israelgo indarrek Ibraim Sala Gazako Barne Ministerioko Komunikazio zuzendariaren etxebizitza ere bonbardatu dute. Hainbat lagun zauritu dira baina oraindik ez dakite Sala biktimetako bat ote den.
Su-etena ez da 'laster' izango
Bestalde, Hamas talde islamistak Israelekin su-etena "laster" sinatzeari uko egin dio, hori lortzeko "hainbat bitartekari lanean egon arren". Musa Abu Marzuk Hamaseko Batzorde Politikoko presidenteordeak aitortu duenez, "su-etenarako dei anitz daude baina ez dut uste laster lortuko dugunik". Gainera, erasoak bertan behera uzteko eskatu dio Israeli.
Anonymousen eraso berria
Anonymous 'hacker' taldeak Israelgo hainbat webguneei eraso die, Gazako Zerrendan Israelgo Armadak egindako bonbardaketari gaitzespena erakusteko. #OpIsrael hashtagen bitartez, Israelgo hainbat webguneen aurkako erasoaren aldeko deia egin du sare sozialetan.
"Israel, zure datu-basea gurea da", adierazi du Anonymousek Twitterren bidez. Israelgo Gobernuko webgunea blokeatuta utzi dute minutu batzuk. Eraso hauek "Palestinako herriaren eskubideak defendatzea" dute helburu, Anonymousen arabera.
75.000 erreserbista
Israelek 75.000 erreserbista mobilizatzea onartu du, eta Gaza lurretik inbaditzeko lehen urrats izan liteke. Herrialde horretako Armada asteazkenetik ari da Gaza bonbardatzen, eta dagoeneko 38 palestinar hil ditu.
Hamaseko kideetatik urrun egoteko ohartaraziz, SMS mezuak bidali dizkie Israelgo armadak Gazako Zerrendan bizi diren 12.000 palestinarri, Hamaseko kideak Israelgo armadaren jomuga izan daitezkeelako.
Ehud Barak Israelgo Defentsa ministroak azaldu duenez, erreserbistak deitzeak "edozein" gertakizuni aurre egiteko "prest" egotea du helburu.
Beny Gantz Estatu Nagusiko buruak argi berdea eman dio Armadari lurreko inbasioa prestatzen hasteko. Eli Yishai Barne ministroa bide beretik ibili da, eta inbasioa "aukera bat" dela baieztatu du.
2008ko amaieran eta 2009ko hasieran Israelek Gaza inbaditu zuenean, 1.400 palestinar hil zituen, gehienak, zibilak.
39 palestinar hil dituzte
Ostiral honetan, Hamaseko buruzagietako bat eta beste hiru palestinar hil ditu Israelgo armadak eta bart beste bederatzi lagun hil ditu. Era honetan, dagoeneko 39 dira asteazkenetik hildako palestinarrak, horietatik 11 gutxienez zibilak. Zaurituak 250 dira.
Misila eta sirena hotsak Jerusalenen
Gazatik jaurtikitako misil bat Jerusalemen erori da gaur, azken 40 urteotan estreinakoz. Aurretik, Hegazkinen kontrako sirena entzun da hirian, 1991ko Golkoko Gerraz geroztik, lehen aldiz.
Hamasen aldetik abioi militar bat suntsitu izana gezurtatu du Israelek
Israelgo Armadak Hamasen beso armatuak, Azedin Al Kaseemeko Brigadek, Gazako zerrendaren gaineko zeruen zegoen hegazkinetako bat suntsitu izana ukatu du, miliziek azaldu dutenez.
Ban ''laster'' izango da Ekiarde Hurbilean, indarkeriak gora egin duelako
Ban Ki-moon Nazio Batuen Erakundeko idazkari nagusia “laster” izango da Ekialde Hurbilean, Gazako zerrendan eta Israel hegoaldean indarkeriak gora egin duelako, israeldarren azkeneko eraso militarraren ostean.
Martin Nesirky NBEko bozeramaileak ez du datarik zehaztu, ezta zein leku bisitatuko dituen esan, baina Banek nazioarteko buruekin harremanetan jarraitzen duela nabarmendu du, barealdia eta euskarria eskatzeko.
Cupula de Hierro izeneko Israelgo misilen aurkako sistemak Gazatik Tel Avivera zihoan kohete bat geldiarazi du. Ezedin Al Kassem taldeko matxinoek (Hamasen beso armatua) euren gain hartu dute erasoa ohar batean adierazi dutenez. Tel Aviv herrialdeko bihotz ekonomikoaren aurka bi kohete jaurti dituztela esan dute. Asteazkenean "Defentsarako zutabea" operazioa hasi zenetik, hirugarrenez sirenak jo du (1991ko Golkoko Gerraz geroztik lehen aldiz gertatu da).Israelek Hamaseko lehen ministroaren egoitza bonbardatu duBestalde, Israelgo Armadak Ismail Haniyeh Hamaseko lehen ministroaren egoitza bonbardatu du larunbat goizaldean Gazako erdigunean, Maan Palestinako albiste-agentziak jakitera eman duenez. Honen arabera, lau misilek eraikinaren kontra egin dute talka eta sute handia eragin dute. Hisham Kandil Egiptoko lehen ministroa bertan izan zen ostiralean Palestinako herriari elkartasuna erakusteko. Lekukoen arabera, lau solairutako eraikina guztiz suntsituta geratu da. Momentuz ez dute biktimen inguruko informaziorik zabaldu. Israelgo Armadaren iturriek diotenez, erasoaren unean eraikina hutsik zegoen.Halaber, Israelgo indarrek Ibraim Sala Gazako Barne Ministerioko Komunikazio zuzendariaren etxebizitza ere bonbardatu dute. Hainbat lagun zauritu dira baina oraindik ez dakite Sala biktimetako bat ote den. Su-etena ez da 'laster' izangoBestalde, Hamas talde islamistak Israelekin su-etena "laster" sinatzeari uko egin dio, hori lortzeko "hainbat bitartekari lanean egon arren". Musa Abu Marzuk Hamaseko Batzorde Politikoko presidenteordeak aitortu duenez, "su-etenarako dei anitz daude baina ez dut uste laster lortuko dugunik". Gainera, erasoak bertan behera uzteko eskatu dio Israeli. Anonymousen eraso berriaAnonymous 'hacker' taldeak Israelgo hainbat webguneei eraso die, Gazako Zerrendan Israelgo Armadak egindako bonbardaketari gaitzespena erakusteko. #OpIsrael hashtagen bitartez, Israelgo hainbat webguneen aurkako erasoaren aldeko deia egin du sare sozialetan."Israel, zure datu-basea gurea da", adierazi du Anonymousek Twitterren bidez. Israelgo Gobernuko webgunea blokeatuta utzi dute minutu batzuk. Eraso hauek "Palestinako herriaren eskubideak defendatzea" dute helburu, Anonymousen arabera.75.000 erreserbistaIsraelek 75.000 erreserbista mobilizatzea onartu du, eta Gaza lurretik inbaditzeko lehen urrats izan liteke. Herrialde horretako Armada asteazkenetik ari da Gaza bonbardatzen, eta dagoeneko 38 palestinar hil ditu.Hamaseko kideetatik urrun egoteko ohartaraziz, SMS mezuak bidali dizkie Israelgo armadak Gazako Zerrendan bizi diren 12.000 palestinarri, Hamaseko kideak Israelgo armadaren jomuga izan daitezkeelako.Ehud Barak Israelgo Defentsa ministroak azaldu duenez, erreserbistak deitzeak "edozein" gertakizuni aurre egiteko "prest" egotea du helburu.Beny Gantz Estatu Nagusiko buruak argi berdea eman dio Armadari lurreko inbasioa prestatzen hasteko. Eli Yishai Barne ministroa bide beretik ibili da, eta inbasioa "aukera bat" dela baieztatu du.2008ko amaieran eta 2009ko hasieran Israelek Gaza inbaditu zuenean, 1.400 palestinar hil zituen, gehienak, zibilak.39 palestinar hil dituzteOstiral honetan, Hamaseko buruzagietako bat eta beste hiru palestinar hil ditu Israelgo armadak eta bart beste bederatzi lagun hil ditu. Era honetan, dagoeneko 39 dira asteazkenetik hildako palestinarrak, horietatik 11 gutxienez zibilak. Zaurituak 250 dira.Misila eta sirena hotsak JerusalenenGazatik jaurtikitako misil bat Jerusalemen erori da gaur, azken 40 urteotan estreinakoz. Aurretik, Hegazkinen kontrako sirena entzun da hirian, 1991ko Golkoko Gerraz geroztik, lehen aldiz. Hamasen aldetik abioi militar bat suntsitu izana gezurtatu du IsraelekIsraelgo Armadak Hamasen beso armatuak, Azedin Al Kaseemeko Brigadek, Gazako zerrendaren gaineko zeruen zegoen hegazkinetako bat suntsitu izana ukatu du, miliziek azaldu dutenez. Ban ''laster'' izango da Ekiarde Hurbilean, indarkeriak gora egin duelako Ban Ki-moon Nazio Batuen Erakundeko idazkari nagusia “laster” izango da Ekialde Hurbilean, Gazako zerrendan eta Israel hegoaldean indarkeriak gora egin duelako, israeldarren azkeneko eraso militarraren ostean. Martin Nesirky NBEko bozeramaileak ez du datarik zehaztu, ezta zein leku bisitatuko dituen esan, baina Banek nazioarteko buruekin harremanetan jarraitzen duela nabarmendu du, barealdia eta euskarria eskatzeko.
Zure interesekoa izan daiteke
AEBetako bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.