G7aren goi-bilera hasi da, aliatuen liskarren artean
La Malbaien (Kanada) goi-bilera hasi dute gaur G7ko buruzagiek. Ameriketako Estatu Batuen eta aliatuen arteko desadostasunak sakonak dira merkataritzan zein kanpo politikan. Horregatik, denak ezkor dira.
Alemania, Kanada, Ameriketako Estatu Batuak, Frantzia, Italia, Japonia eta Erresuma Batuko buruzagiek, besteak beste, Donald Trump AEBko presidentearen eta mendebaldeko aliatuen arteko merkataritza eta krisi politikoa izango dituzte mahai gainean.
Presidenteak eta lehen ministroak La Malbaieko Le Manoir Richelieu luxuzko hotelera heldu dira. Goi-bilera bertan egingo dute ostiraletik larunbatera.
Justin Trudeau Kanadako lehen ministroak eta Sophie Gregoire Trudeau haren emazteak buruzagiak banan-banan hartu dituzte hoteleko lorategietan, San Lorenzo ibaiertzean, Quebecetik 140 bat kilometro ipar-mendebaldera.
Errusia G7an berriz onartzeko, Trumpen eta Giuseppe Conte Italiako lehen ministroaren proposamena arbuiatu du gaur Donald Tusk Europako Kontseiluaren presidenteak.
Mosku orduko G8tik kanporatu zuten 2014an, Errusiak Krimeako lurralde ukrainarra beretu ondoren.
“G7 bere horretan utziko dugu. Zazpi zori oneko zenbakia da, gutxienez gure kulturan”, adierazi du Tuskek. Europako Kontseiluko presidentearen ahotan, “azken urteetako hitzordurik zailena” izango da. “Nazioarteko ordena aldatu” nahi izatea leporatu dio Tuskek Trumpi.
Donald Trump Ameriketako Estatu Batuetako presidentea Bagotvilleko basean. Argazkia: EFE
Nahiz eta Kanadak ezarritako gai-zerrendan genero berdintasuna, garapen ekonomiko orekatua eta ozeanoetan plastikoaren kutsadurari aurre egiteko neurriak izan, programa erabat aldatu dute Trumpen eta G7ko gainerako kideen arteko desadostasunek.
Kanadara joan behar izanarekin haserre agertu da Trump. Azken orduetan Europaren eta Kanadaren merkataritza politiken aurka egin du AEBko presidenteak Twitter sare sozialean, Ameriketako Estatu Batuentzako “bidegabeak” direla egotzita.
Maiatzaren amaieran, aliatuen altzairu eta aluminio inportazioei % 25eko eta % 10eko muga-zergak ezarri zizkion Trumpek, hurrenez hurren. Herrialde horiek antzeko neurriak ezarri zizkieten AEBko produktuei.
Emmanuel Macron Frantziako presidentearen hitzetan, klima aldaketaz eta merkataritzaz eztabaidatzeari uko egiten dio Trumpek, baina G7ak ez du azken adierazpena motelduko. Horrela, AEBek azken adierazpena sinatuko ez dutela aditzera eman du Macronek.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.