AEB, Frantzia, Alemania eta Kanadak Errusia seinalatu dute Skripal auzian
Errusiako Gobernuak Serguei Skripal espioi ohia eta Yulia haren alaba pozoitzea onartu zuela “ia ziurtasun osoz” uste dute Ameriketako Estatu Batuek, Frantziak, Alemaniak eta Kanadak. Horrela, Erresuma Batuaren iritziarekin bat egin dute lau herrialde horiek.
Donald Trump AEBko presidenteak, Theresa May eta Justin Trudeau Erresuma Batuko eta Kanadako lehen ministroek eta Angela Merkel Alemaniako kantzilerrak sinatutako agiri bateratua jakitera eman du gaur Londresek, Kremlinari azalpenak eskatzeko.
Novichok pozoiaren inguruko informazio guztia Arma Kimikoak Debekatzeko Erakundearen (OPCW) esku uztea eskatu diete bost herrialdeek Errusiako agintariei. Skripal eta haren alaba Novichok substantziarekin pozoitu zituzten.
Bestalde, pozoitzearen ustezko bi egileak, Errusiako bi ofizial, atxilotzeko “alerta gorria” eskatuko dio Erresuma Batuak Interpoli.
Alexander Petrov eta Ruslan Boshirov Salisburyko (Erresuma Batua) tren-geltokian, 2018ko martxoaren 3an. Irudia: EFE
Alexander Petrov eta Ruslan Boshirov atxilotzeko nazioarteko eskaera euroagiduari gehitu behar zaio; izan ere, Erresuma Batuko buruzagiek asteazkenean igorri zuten.
Errusiako agintariek, ostera, Erresuma Batuaren akusazioak “onartezinak” direla adierazi dute ostegun honetan. “Errusiako buruzagien aurkako edozein akusazio onartezina da guretzako”, esan du Dimitri Peskov Kremlineko bozeramaileak. “Salisburyn gertatutakoarekin zerikusirik ez zuen izan eta ez du Errusiak”, azpimarratu du.
“Errusia ez dago nahasita, inola ere”, adierazi du Peskovek. Erresuma Batuko fiskalek inputatuko pertsonen nortasuna egiaztatzeko, “Londresen eskakizun bat beharrezkoa da”, gaineratu du bozeramaileak, Sputnik albiste-agentziak jakitera eman duenez.
Zure interesekoa izan daiteke
500 kolono israeldar inguru sartu dira Al Aqsako meskitara Urte Berri Juduaren ospakizunetan
1967tik indarrean dagoen 'statu quo' -aren arabera (Israelek Jerusalemgo ekialdea okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Zentro-ezkerreko oposizioaren edo egungo eskuineko gobernuaren artean erabakiko dute gaur Suediarrek
Zentro-ezkerrekoak faborito dira inkestetan, alde txikiarekin. Azkenean, eskuinak irabaziko balu, ultraeskuina sar daiteke gobernuan.
Eskozia, Gales eta Ipar Irlandako liderrek independentziaren aldeko memorandum bat sinatuko dute
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".
Saudi Arabiak Ekialde-Mendebaldeko oliobidea itxi du, hainbat eraso jasan ostean
Azpiegitura hori da merkatu globalak hornitzeko bide nagusia Ormuzko itsasarteko egungo tentsio egoeran; egunean zazpi milioi upel petrolio gordin garraia ditzake.
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.