G20ko buruzagiak Buenos Airesen dira goi-bilera hasteko
G20ko herrialdeen buruzagiak, Estatu gonbidatuen agintariak eta nazioarteko erakundeetako ordezkariak Buenos Aireseko Costa Salguero biltzar-jauregian dira jada, ostiral eta larunbat honetan urteko goi-bilera egiteko.
Emmanuel Macron Frantziako presidentea; Theresa May Erresuma Batuko lehen ministroa eta Pedro Sanchez Espainiako gobernuburua (azkena herrialde gonbidatu gisa) biltzar-zentrora, Palermoko auzora, izan dira aurrenak bertara heltzen, baita Mauricio Macri Argentinako estatuburua ere.
G20ko agintarien argazki ofizialean, Mohamed bin Salman Saudi Arabiako printzea albo batean jarri dute, bere inguruan zenbait hutsune utzita.
Jamal Khashoggi kazetari disidentearen hilketa gertatu zenetik, nazioarteko estatuburu askok gogor kritikatu dute Saudi Arabiako printzea, hilketaren erantzuletzat jotzen baitute.
Gauzak horrela, Luis Alberto Moreno Amerikako Garapen Bankuko presidentearen eta Paul Kagame Ruandako presidentearen ondoan kokatu dute. Argazkia atera eta berehala, agertokitik joan da inor agurtu gabe eta inorekin hitz egin gabe.
Argazki ofizialean baztertu egin badute ere, Bin Salmanek solasaldi laburrak izan ditu zenbait agintarirekin goi-bilerara iritsi denean. Vladimir Putin Errusiako presidenteak, esaterako, berotasunez agurtu du eta irudia laster zabaldu da komunikabideetan.
(G20ko agintarien argazki ofiziala. Argazkia: EFE)
Protestak eta segurtasun neurriak
Bestalde, manifestari taldeak Buenos Aireseko erdialdean bildu dira ostiral honetan, goi-bileraren aurka protesta egiteko. 20.000 agente baino gehiagok osatzen dute segurtasun dispositiboa.
Mauricio Macriren Gobernuak sei zerbitzu ezberdineko 22.000 agente zabaldu ditu kaleetan, eta istiluak saihesteko jaieguna ezarri du. Segurtasun dispositiboa ikaragarria da hiriburuan, eta kale gehienak ia hutsik daude.
Colon antzokitik gertu pasatzen den etorbidean mobilizazioa egiteko baimena eman du Exekutiboak. Munduko buruzagiek ekitaldia dute bertan, gauean, baina zonaldea publikoarentzako guztiz itxita dago.
“G20 subiranotasun galera, menpekotasuna eta korporazio handien azpiratzea da”, G20 FMI Kanpora herri mugimenduak txio batean salatu duenez. “Kanpo zorra ez ordaintzearen alde” eta “Murrizketarik, menpekotasunik eta errepresiorik ez” lelopean protesta deitu du.
Zure interesekoa izan daiteke
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.