Irango akordio nuklearreko sinatzaileek hura mantentzea eskatu dute
Iranekin akordio nuklearra sinatu zuten bost herrialdeak hitzarmena mantentzearen alde agertu dira, Errepublika Islamiarrak Estatu Batuen zigorretatik babestu ezean, ez duela beteko iragarri ostean. Bost herrialdeek, baina, ez dute modu berean hitz egin Donald Trumpen Gobernuak 2018an akordioa apurtu zuenetik jarritako zigorren inguruan.
Erresuma Batua, Alemania eta Frantziako gobernuek 2015eko akordio nuklearrean hartutako konpromisoak manten ditzan eskatu diote Irani, eta ohartarazi dute Erresuma Islamiarrak berriz debekatutako programak hasten baditu "ondorioak" izan ditzakeela.
"Akordioa errespetatu nahi dugu, batez ere Iranek arma nuklear bat izan ez dezan", esan du Alemaniako Kanpo ministro Heiko Maasek. 2015eko akordioa Europako segurtasunerako gakotzat hartu du.
Steffan Seibert bozeramaileak onartu duenez, Estatu Batuek orain dela urtebete apurtutako akordioaren alternatiba bat osatzeko negoziazioak ustez baino denbora gehiago ematen ari dira, baina ez dute amore eman.
Erresuma Batuko Kanpo ministro Mark Fieldentzat, Irango iragarpena urrats "desegokia" da. "Ez gaude zigorrak berriz jartzeko fasean, baina gogorarazi behar da murrizketa nuklearren ordez baztertu genituela", esan du Parlamentuan.
"Ondorioak" proposatu ditu Fieldek, Frantziako Defentsa ministro Florence Parlyk bezala. Parlyk "logikoa" ikusten du berriz zigorrei buruz eztabaidatzea Iranek hitzartutakoa betetzen bez badu. Hala ere, beste kideek bezala, Frantziak ez du amore ematen, eta 2015eko akordioaren garrantzia defendatu du.
Estatu Batuen zigorren aurrean, akordioa mantendu nahi dute Errusiak eta Txinak
Errusiako Gobernua elkarrizketa irekita mantentzeko konpromisoa hartu du, Irango hitzarmen nuklearra babesteko. Hori esan dio zuzenean Sergei Lavrov Errusiako Atzerri ministroak Mohamad Javad Zarif ministroari, Moskun egin duten bilera batean.
Zarifek, Errusian Iranek duen enbaxadan, esan duenez, "diplomaziaren lorpen garrantzitsu hau" mantentzea eta Washingoni kasurik ez egitea eskatu die herrialde sinatzaileei. Zentzu horretan, Donald Trumpen gobernuari egotzi dio beste herrialdeei hartutako konpromisoak ez betetzeko presionatzea.
Irango eta Errusiako Atzerri ministroak, Mohamad Javad Zarif eta Sergei Lavrov. Argazkia: EFE.
Gainera, Errusiako Gobernuaren bozeramaile Dimitri Peskovek esan duenez, "diplomazialari errusiarrek europarrekin hitz egiten jarraituko dute dokumentu horien bideragarritasuna mantentzeko", Sputnik agentziak esan duenez.
Txinako Gobernuak akordio nuklearra "zehatz-mehatz" betetzea eskatu du, Ekialde Hurbilean "tentsioa areagotzea" helburu duten Estatu Batuen "alde bakarreko" zigorren aurrean.
"Estatu Batuetako ekintzak errefusatzen ditugu, Irango akordio nuklearren inguruan tentsioa areagotzea helburu dutenak", esan du Geng Shuang Atzerri ministerioaren bozeramaileak.
Txinarentzat, Teheranek "aise bete ditu bere betebeharrak", Estatu Batuek "aldebakarreko zigorrak" jarri dituen arren.
Zentzu horretan, Txinako bozeramaileak azpimarratu du akordio nuklearra mantentzea eta ezartzea sinatzaile guztien "erantzukizun komuna" dela, eta horiei "elkarrizketa sendotzea" eta eskualdean "tentsioaren igoera saihestea" eskatu die.
"Txinak alde guztiekin jarraituko du harremanetan, akordioa ezartzeko eta gure negozioen interes eta eskubide legitimoak mantentzeko", esan du Gengek.
AEB Iranen kontrako zigor berriak ezartzea aztertzen ari da
Duela urtebete akordioa apurtu zuen Estatu Batuetako Gobernua "oso laster" Iranen kontrako zigor berriak ezartzea aztertzen ari da, Etxe Zuriko goi kargu batek esan duenez.
"Itxaron itzazue zigor berriak laster. Oso laster", esan du Tim Morrison Presidentetzaren aholkulari bereziak eta Suntsipen Handiko Armetarako eta Biodefentsarako zuzendariak, Washingtonen.
Gainera, Europako bankuei, inbertitzaileei eta enpresei Ibilgailu Berezia izeneko entitate juridikoan ez parte hartzeko esan die. Iranekin salerosketak egitea errazten eta zigorrak ekiditen saiatzen da entitate hori.
"Banku bat, inbertitzaile bat, aseguru etxe bat edo beste enpresa bat bazara, Europan, jakin behar duzu Ibilgailu Berezian parte hartzea oso erabaki enpresarial txarra dela", esan du.
Morrisonentzat, Irango agintariek iragarritako erabakia "Europari egindako xantai nuklearra baino ez da".
Istaelgo lehen ministro Benjamin Netanyahuk Iranek arma nuklearrak izatea ez duela onartuko esan du.
"Gaur goizean, hona nentorrenean, Iranek bere programa nuklearrarekin jarraitu nahi zuela entzun dut", esan du Netanyahuk, Oroitzapenaren Egunean emandako diskurtsoan. "Ez dugu Iranek arma nuklearrak lortzea onartuko. Hilko gintuzketenen aurka borrokatzen jarraituko dugu", esan du lehen ministroak.
Zure interesekoa izan daiteke
Sozialistek irabazi dute Parisen
Aurrerakoiek hiri garrantzitsuenetan agintzen jarraituko dute, eta Nizan eskuin muturrak irabazi du.
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.