Sua egiteko debekua ezarri dute Brasilen, Amazoniako baso-berritzea abiatzeko asmoz
Datozen 60 egunetan Brasilen sua egiteko debekua ezartzen duen dekretu bat sinatu du ostegun honetan Jair Bolsonaro Brasilgo presidenteak, Amazoniako baso-berritzea abiatzeko helburuarekin. Izan ere, azken urteetako suterik larrienak izaten ari dira azkenaldian Amazoniako eskualdean.
Brasilgo Aldizkari Ofizialean argitaratutako dekretu horrek, sute berriak sortzea saihestea du helburu, agintariak orain dela hiru aste inguru piztutako suteak kontrolatzen hasi diren honetan. Nazioarteko herrialdeak kezkatuta agertu dira egoerarekin, eta horietako askok laguntza eskaini diote Bolsonarori.
Dekretuak ondorengo hiru kasu hauek jasotzen ditu bakarrik salbuespen gisa: fitosanitarioen kontrolak, betiere ingurumen arloko erakunde eskudunak baimenduak baldin badira, suteei aurre egiteko lanak eta herri tradizional eta indigenen biziraupenerako nekazaritza praktikak.
Amazonian bizi diren indigenen artean ohikoa da zuhaitzak moztea eta lurra erretzea, berriro ereiteko aukera ematen duelako. Gauzak horrela, Brasilgo Amazonian sua piztea baimenduta dago, arau jakin batzuk betez beti ere. Alabaina, bi hilabetez bertan behera geratu da baimen hori, eta ezin izango da surik piztu.
Amazoniak hartzen dituen 7 milioi kilometro koadroen % 70 inguru Brasilgo Gobernuaren esku dago. Bolsonarok asteazkenean jakinarazi zuenez, suteak gutxitzen hasi dira dagoeneko, baina ez zuen eskualde osoari buruzko daturik aurkeztu.
Agintariek Rondonia estatuari buruzko (Brasil mendebaldean) datu zehatzak baino ez zituzten aurkeztu. Dena dela, Boliviarekin mugan, sugarrek Amazoniako oihanen zati bat kiskali dute.
Militarrak suhiltzaile gisa dihardute joan den asteburutik, izan ere, Bolsonarok suteen aurkako bere lehen neurri eraginkorra hartu zuenean, Amazoniako eskualde osoan suteei aurre egiteko zereginekin bat egiteko agindu zien.
Urtarriletik abuztura bitartean Brasilen atzemandako 71.497 suteen erdia baino gehiago Amazonian izan dira, 2018ko epe berean baino % 83 gehiago, hain zuzen ere.
Suge bat, Amazonian piztutako sute batetik ihes egiten. Argazkia: Efe
Zure interesekoa izan daiteke
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.