Sukarra da, ziurrenik, COVID-19aren lehen sintoma
Kaliforniako Hegoaldeko Unibertsitateko (USC) ikertzaile talde batek COVID-19aren sintomen ordena probablea zehaztu du. Aurkikuntzak arreta mediko goiztiarragoa bilatzen lagun diezaieke kutsatutako pertsonei.
Ikerketak ondorioztatu du, oro har, COVID-19 birusaz kutsatutako pertsona baten lehen sintoma sukarra dela. Eztula eta giharretako mina izango zituen atzetik, gero goragalea eta/edo okadak, eta azkenik, beherakoa.
USCko Michelson Center for Convergent Bioscience erakundean egindako ikerketaren egileek nabarmendu dute COVID-19aren sintomen ordena ezagutzeak gaixoei gaitzari aurrea hartzen eta arreta mediko goiztiarra bilatzen lagun diezaiekeela.
"Orain COVID-19aren tratamenduetarako ikuspegi hobeak daudenez, pazienteak lehenago identifikatzeak ospitaleratze denbora murriztu lezake", argitu du ohar batean Joseph Larsenek, ikerketaren egile nagusi eta USCko irakasleak.
Ikerketak nabarmentzen duenez, sukarra eta eztula askotan arnas gaixotasun askorekin lotzen badira ere, Ekialde Ertaineko arnas sindromea (MERS) eta arnas sindrome akutu larria (SARS) barne, goiko eta beheko traktu gastrointestinaleko sintomek bereizten dituzte COVID-19a duten gaixoak.
"Badirudi COVID-19ak goiko traktu gastrointestinalari (goragaleak eta gorakoak) beheko traktu gastrointestinalari (beherakoa) baino lehenago eragiten diola, eta hori MERS eta SARSaren kontrakoa da", azaldu dute zientzialariek.
Sintomak ager daitezkeen ordenari buruzko informazio horrek beste gaixotasun batzuk baztertzen edo gaixoak nola tratatu planifikatzen ere lagun diezaieke medikuei, ikertzaileen arabera.
Txinako 55.000 koronabirus kasu baieztatu baino gehiagoren sintometan oinarritu da ikerketa, Munduko Osasunaren Erakundeak (MOE) otsailaren 16tik 24ra bitartean bildutakoak.
"Sintomen ordena garrantzitsua da. Gaixotasun bakoitza modu ezberdinean garatzen dela jakiteak esan nahi du medikuek lehenago identifika dezaketela norbaitek COVID-19a edo beste gaixotasunen bat duen, eta horrek tratamenduari buruzko erabaki hobeak hartzen lagundu diezaieke", ondorioztatu du Larsenek.
Frontiers in Public Health aldizkarian argitaratu zituzten aurkikuntza zientifikoak.
Zure interesekoa izan daiteke
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.