EAEko joerak maila altuetan jarraitzen du: 510 kasu gehiago, horietako 292 Bizkaian
EAEn, 510 positibo atzeman dituzte azken 24 orduetan PCR proben bidez. Bestalde, Nafarroan beste 108 kasu positibo atzeman zituzten atzo, eta bederatzi pertsona ospitaleratu zituzten COVID-19aren eraginez.
Zehazki, Euskadin baieztatutako kasu berrietako 292 Bizkaian atzeman dituzte, 92 Gipuzkoan eta 112 Araban. Horrez gain, EAEtik kanpo bizi diren 10 pertsonak positibo eman dute azken orduetan.
Halaber, gaitza atzemateko 6.617 PCR egin zituzten atzo, Osasun Sailak ohar baten bidez jakitera eman duenez. Zehazki, ondorengo herri hauetan atzeman dituzte koronabirus kasuak:
Gipuzkoan: Andoain (4), Arrasate (6), Azkoitia (2), Azpeitia (13), Bergara (4), Bidania-Goiatz (1), Donostia (23), Eibar (4), Elgoibar (3), Getaria (2), Hernani (3), Hondarribia (2), Irun (6), Irura (1), Lazkao (1), Mutriku (4), Oiartzun (2), Ordizia (1), Pasaia (2), Tolosa (3), Villabona (2), Zarautz (1), Zestoa (1) eta Zumarraga (1).
Bizkaian: Abanto Zierbena (13), Zornotza (2), Arrigorriaga (2), Bakio (2), Barakaldo (25), Basauri (4), Bedia (1), Bilbo (127), Derio (1), Durango (1), Erandio (8), Etxebarri (1), Galdakao (4), Gamiz-Fika (1), Gernika-Lumo (1), Getxo (30), Gorliz (1), Gueñes (1), Igorre (1), Laukiz (2), Leioa (8), Lekeitio (1), Loiu (1), Mungia (2), Muskiz (2), Ortuella (1), Otxandio (1), Portugalete (13), Santurtzi (8), Sestao (2), Sondika (2), Sopela (1), Ugao (1), Zalla (1) eta Zamudio (20).
Araban: Artziniega (1), Laudio (3), Agurain (2), Urkabustaiz (1), Gasteiz (103) eta Zuia (2).
Azken orduetan positibo eman duten pertsonen profilari dagokionez, 273 emakumeak dira eta 237 gizonak. Gainera, positibo eman duten gehienek 69 urte baino gutxiago dituzte; batez ere, 20 eta 29 urte bitartean (99 kasu).
Covid-19a duten 27 pertsonak 10 eta 19 urte bitartean dituzte eta 89k, berriz, 30 eta 39 urte bitartean. Gainera, azken orduetan atzemandako 29 kasutan gaixoek 0 eta 9 urte bitartean dituzte.
Osasun Sailak jakinarazi du, halaber, positibo eman duten 87 pertsonak 40 eta 49 urte bitartean dituztela, 59k 50-59 urte bitartean, 38k 60-69 urte bitartean eta beste 82k 70 urtetik gora.
1,25 da gaurko R0 indizea (atzo 1,31 zen).
Ospitaleetako egoerari dagokionez, egun 13 pertsona daude zainketa intentsiboetako unitateetan ospitaleratuta, Osasun Sailak eguneroko oharrean emandako datuen arabera.
108 koronabirus kasu gehiago atzeman dituzte Nafarroan
Bestalde, Nafarroan beste 108 koronabirus kasu positibo atzeman zituzten atzo, eta bederatzi pertsona ospitaleratu zituzten COVID-19aren eraginez. Guztira, 1.634 PCR proba egin zituzten. Dena dela, ez zen inor hil koronabirusaren ondorioz.
Iruñeak eta bere eskualdeak jarraitzen dute kasu berri gehienak biltzen (% 45), jarraian Tuterako osasun-eremuan atzeman dituzte kasu gehien (% 36), eta, ondoren, Lizarrako osasun-eremuan (% 3). Gainerako kasuen % 16a Nafarroako beste eremu batzuetan banatzen da.
Baieztatutako kasuen batez besteko adinari dagokionez, 15-44 urteko taldea da nagusi (kasu guztien % 41), eta, jarraian, 45-59 urteko taldea (% 26). Ondoren, 0-14 urte bitarteko adin-tartea dago (% 20), eta 60 urtetik gorakoa (% 13). Ildo horretatik, kasu berrien batez besteko adina 35,8 urte dira. Generoari dagokionez, kasu berrien % 54 emakumeak dira, eta % 48, gizonezkoak.
Bilakaera epidemiologikoaren ikuspuntutik aztertuta, atzo bederatzi pertsona ospitaleratu zituzten Nafarroan, baina ez zen inor hil COVID-19aren eraginez; beraz, pandemia hasi zenetik, 532 pertsona hil dira Nafarroan koronabirusaren ondorioz.
Bestalde, Nafarroako ospitale sarean 49 pertsonak jarraitzen dute ospitaleratuta, eta horietatik zazpi zainketa intentsiboetako unitateetan (ZIU) daude eta beste sei etxean. Gainerakoak, 36 gaixo, ospitaleko geletan daude. Pertsona horiek guztiek positibo eman zuten PCR proba batean, infekzio hori ospitaleratzeko arrazoia izan ala ez.
Azkenik, detekzio goiztiarreko sistemari eta kasu zein kontaktu estuen jarraipenari dagokionez, 1.634 PCR proba egin zituzten atzo osasun sare publikoan. Pandemia hasi zenetik 7.944 positibo baieztatu dituzte guztira (atzo beste 108 kasu atzeman zituzten).
Zure interesekoa izan daiteke
Foruzaingoak aisialdirako bederatzi lokal erregistratu ditu Iruñerriko bost udalerritan
Dispositiboan 20 akta ireki dituzte, drogak konfiskatzeagatik. Hiru pertsona ere salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.