'Alex' erauntsiak bi hildako eta 24 desagertu utzi ditu Frantzian eta Italian
Gutxienez zortzi pertsona, tartean bi suhiltzaile, desagertu dira Niza (Frantzia) hiritik gertu. 'Alex' erauntsiak euri-jasa bortitzak eta uholdeak eragin ditu eskualdean, bertako agintariek FranceInfo irratiari jakinarazi diotenez.
Bestalde, bi pertsona hil eta beste 16 desagertu dira Italiako iparraldean. Eguraldi kaskarrak kalteak sortu ditu, Piamonte eskualdean batez ere.
Soilik hamar ordutan 500 mililitro baino gehiago bota ditu Nizatik gertu dauden herrietan, zonaldean urte oso batean bota ohi duena. Gainera, udalerriak haran sakon batean daude.
Uholdeek eragindako kalte ikaragarriak deitoratu ditu Christian Estrosi Nizako alkateak. “Sekula ikusi ez dudan hondamendiari aurre egin diogu”, adierazi du bertako komunikabideen aurrean.
Bitartean, etxean geratzeko eskatu diete agintariek herritarrei. Uholdeak kaosa eragin du trafikoan. Urak bertako zubi bat txikitu du.
Eskualdean 13.500 etxebizitza inguru argindarrik gabe daude. Larrialdi zerbitzuetako 850 bat kide lanean ari dira.
Era berean, 'Alex' ekaitza Frantziako ipar-mendebaldean kaosa eta kalteak eragiten ari da. Horrela, 30.000 pertsona argindarrik gabe daude Bretainian. Gauean 186 kilometro orduko haize ufadak izan dira Belle-Ile-sur-Mer uhartean.
Bestalde, Piamonten (Italiako ipar-mendebaldea) 11 pertsona desagertu dira, horietako hamar Cuneon, eta beste bat Vercellin, Sesia ibaiak gainezka egin eta haren autoa eraman ondoren.
Garbiketa lanak Cuneon (Italia). Argazkia: EFE
Gainera, 53 urteko Rinaldo Challancin suhiltzaile boluntarioa hil da Arnaden (Aosta). Zuhaitz bat gainean erori zaio zonaldea garbitzen ari zenean.
Cuneoko kooperatiba bateko hiru boluntario desagertuen artean daude. Furgoneta batean zihoazen Val Royan. Bestalde, antza denez, erreka batek artzain bat eraman du.
Valle Gesson (Piamonte), Alemaniako sei txangozale bilatzen ari dira.
20 urteko gazte bat desagertu da Valsesian, Doccio eta Crevola (Vercelli) lotzen dituen errepidean. Errepidearen zati bat desagertu da.
Piamonte osoan 1958ko marka historikoa hautsi dute eguneko prezipitazioek, ingurumen babeserako agentziak azaldu duenez.
Limone Alpeetako turismo zentroa, Frantziako mugan, bakarturik dago, eta ez du argindarrik, ezta urik ere. Urak zonalde ugari hartu ditu, eta eraikin batzuk hustu behar izan dituzte.
Era berean, Liguriako eskualdean, batez ere Ventimiglian, uholdeak izan dira. Bergamon 100 kilometro orduko abiadura gainditu dute haize ufadek, eta luiziak izan dira euri-jasa bortitzen ondorioz. Zenbait errepide itxi behar izan dituzte.
Vercelli eta Novara lotzen dituen tren zerbitzua eten behar izan dute, Sesia ibaiak gainezka egin ondoren.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.