Erresuma Batuak 48 orduko epea eman dio Frantziari arrantzaren inguruan duten ika-mika konpontzeko
Liz Truss Erresuma Batuko Atzerri gaietako ministroak 48 orduko epea eman dio Frantziari bi herrialdek duten arrantza-gatazkaren inguruan egindako "mehatxuak bertan behera uzteko". Bi herrialdeak mokoka dabiltza azken hilabetean, eta joan den astean Frantziak ontzi britainiar bat atxiki zuenetik are goriago dago auzia.
Aurretik, Frantziak ohartarazi du asteartetik aurrera isunak jar diezazkiola Erresuma Batuari, baldin eta gobernu britainiarrak ez badizkio berak eskatutako arrantza-lizentziak ematen (brexit-aren akordioak aitortzen dizkiola uste du Macronen gobernuak).
Hori da, hain justu, auziaren iturria: Erresuma Batua Europar Batasunetik atera ostean, Mantxako Kanalean arrantzatzeko Frantziak dituen lizentziak. Erresuma Batuak 200 bat eman dizkio, baina Frantziak beste hamarnaka bat eskatzen ditu.
Truss ministro britainiarrak Sky News telebista kateari adierazi dioenez, bi herrialdeek ez dute akordiorik lortu, eta Frantziak "arrazoizkoak ez diren mehatxuak" egin dizkie arrantzale britainiarrei.
"Euren mehatxuak bertan behera utzi behar dituzte", azpimarratu du, eta erantsi "arazoa 48 orduan" konpondu behar dela.
Frantziak iragarri duenez, Frantziako hainbat portutan sartzea debekatuko die arrantza-ontzi britainiarrei eta osasun eta aduana kontrolak gogortuko ditu.
G20an ere, akordiorik ez
Boris Johnson lehen ministro britainiarrak eta Emmanuel Macron Frantziako presidenteak batzarra egin zuten atzo G-20ko goi-bileraren baitan. Johnsonek "mehatxuak" alde batera uzteko eskatu zion Macroni. Bilera gorabehera, bi agintariek ez zuten adostasunik lortu gai horren inguruan.
Zure interesekoa izan daiteke
Girondako suteek 220.000 pertsona ebakuatzera behartu dituzte, sua Bordeleraino hurbiltzen ari den bitartean
42.000 hektarea baino gehiago kiskali dituzte sugarrek, eta Espainiarako A63 autobidea zein trenbideko hainbat linea itxita daude. Landetako suteak hobera egin du, baina oraindik ez dago kontrolpean.
Hildako bat eta 16 zauritu Berlinen, Harrotasunaren festan izan den harrapaketa batean
Pertsona bat hil da eta 16 zauritu dira Berlinen, Harrotasun Eguneko ospakizunetan, auto batek harrapatuta. Hainbat lagun harrapatu ostean, erasotzaileak ihes egin du, baina bila ari dira. Poliziaren arabera, erasotzaileak ideologia islamista du.
200.000 ebakuatu Girondan eta Landetan, eta suteen kea Bordelera iritsi da dagoeneko
Arcachonen hasi zen Girondako suteak 40.000 hektarea baino gehiago kiskali ditu eta 167.000 pertsona atera behar izan dira euren etxeetatik. Biscarrossen hasitako Landetako suteak, berriz, 3.600 hektarea erre ditu eta 37.000 lagun ebakuatu behar izan dituzte.
Ezinegona Bordeleko herritarren eta bertara ebakuatu dituzten pertsonen artean
Bordelek erre usaina du. Frantziako hego-mendebaldeko hirirantz doazen suteak dagoeneko sentitzen dira bertako kaleetan: ke gris horixka batek estalita esnatu da hiria larunbat honetan, eztarria sumintzen du aireak ea ezinegona zabaltzen ari da bertako biztanleengan. 5.000-6.000 pertsonendako babeslekuak prestatu ditu Udalak.
2028ko hauteskundeetara aurkeztearekin txantxetan aritu da Trump
Beste agintaldi baterako hautagaia izateko aukera aipatu du Donald Trumpek Etxe Zuriko korrespontsalen afarian, sarkasmoa erabiliz. Aurreko hauteskunde kanpainetan egin zuen bezala, txano gorri bat jantzi du, “TRUMP 2028” idatzita zuena. Dena dela, Trump (80 urte) ezingo da 2028ko hauteskundeetara aurkeztu, AEBko Konstituzioaren arabera, presidente batek gehienez ere bi agintaldi egin ditzakeelako agintean.
110.000 pertsona baino gehiago ebakuatu dituzte Arcachongo sutearen ondorioz
Agintariek ohartarazi dutenez, sua kontroletik kanpo dago Arcachongo badian, eta "2022koak baino baldintza okerragoak" ditu. Eskualde horrek bere historiako sute suntsigarriena izan zuen urte hartan. Biscarrossen, beste sute batek 2.600 hektarea erre ditu, eta, hori dela eta, 31.000 pertsona ebakuatu behar izan dituzte.
Bruselak lau hegazkin mobilizatu ditu Greziatik eta Italiatik, Madrilgo eta Avilako suteei aurre egiten laguntzeko
"Madrilgo Erkidegoko historiako suterik larriena" dela esan du Ayusok, eta lehentasun nagusia "bizitzak salbatzea" dela azpimarratu du. Suak 6.000 hektarea inguru erre ditu dagoeneko, eta garrak "itzali ezinik" jarraitzen dute.
Trumpek muga-zergen beste oldarraldi bat hasi du: EBko ekonomia % 10eko zergen mehatxupean
AEBko Gobernuak adierazi du muga-zergak eta merkataritza negoziazioak erabiltzen jarraituko duela herrialdea berrindustrializatzeko, langileak babesteko eta merkataritza defizita murrizteko tresna gisa.
Milaka pertsona ebakuatu dituzte Landetan piztu den sute baten ondorioz
Sutea ostegun arratsaldean piztu zen Bizkarrotzeko errepide batean eta 23.000 pertsona ebarkatu behar izan dituzte. 600 suhiltzaile baino gehiago ari dira sua itzaltzeko lanetan.
Rubiok Lavrovi esan dio AEB prest dagoela Errusia eta Ukrainaren artean bitartekari lanak egiteko
Kremlinek 2022tik bi herrialdeen arteko gatazka laster konpontzeari buruzko baikortasuna murriztu du.