Txerri baten bihotza transplantatu zioten pazientea hil egin da bi hilabete geroago
Txerri baten bihotza transplantatu zioten lehen pazientea hil egin da bi hilabete geroago, Marylandeko (AEB) Unibertsitateko Medikuntza Fakultateko Zentro Medikoak jakitera eman duenez.
57 urteko David Bennettek bihotzeko gaixotasun terminala zuen. Urtarrilaren 7an egin zioten ebakuntza, eta genetikoki eraldatutako txerri baten bihotza jaso zuen lehen pertsona izan zen.
Ospitaleak gaur jakinarazi duenez, Bennett asteartean hil zen, egun batzuk lehenago bere osasun egoerak okerrera egin ondoren. Bizirik aterako ez zela egiaztatu ostean, medikuek zainketa aringarriak aplikatu zizkioten, Marylandeko Medikuntza Fakultateak agiri batean azaldu duenez.
Ebakuntza historikoa arrakastaz egin eta bi hilabete geroago hil egin da. Urtarrilean Fakultateak azaldu zuenez, ebakuntza "pazientearentzako aukera bakarra zen"; izan ere, beste ospitale batzuek ohiko transplante bat egitea baztertu zuten aldez aurretik.
"Hil edo transplantea egitea zen. Bizi nahi dut. Iluntasunean tiro egitea dela badakit, baina aukera bakarra dut", esan zuen Bennettek orduan.
Pazientearen heriotzarekin "jota" daudela adierazi dute talde medikoko kideek, Bartley P.Griffith doktoreak ohar batean deitoratu duenez. Bennetten bizitzeko gogoa eta kemena azpimarratu ditu.
Bestalde, Muhammad M. Mohiuddin ospitaleko arduradunak pazienteari eskerrak eman dizkio, "paper historikoa" izan duelako.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.