Julian Assangeren estradizioak "kazetaritzaren etorkizuna" mehatxatzen du, haren emaztearen arabera
Stella Assange abokatuak, Julian Assangeren emazteak, Bruselan ohartarazi duenez, "kazetaritzaren etorkizuna jokoan dago" Wikileaksen sortzailea Ameriketako Estatu Batuetara estraditatzen badute, espioitza eta intrusio informatikoa egotzita.
"Hori aurrera eramaten uzten bada, gure eskubide demokratikoak desagertuko dira. Demokraziaren, Zuzenbide Estatuaren eta prentsa askatasunaren erabateko kolapsorako bidea da", adierazi du Stella Assangek, Bruselako Millenium zinema dokumentalaren nazioarteko jaialdiaren harira emandako prentsaurrekoan.
Lehiaketa horretan, Ben Lawrencek zuzendutako 'Ithaka' (2021) dokumentala proiektatzen da, Assangeren familiaren bizipenak erakusten dituena, batez ere bere emazte eta aitarenak, australiarraren estradizioa saihesteko bultzatzen duten kanpainan.
Stella Assangek esan duenez, film honen bidez, publikoak WikiLeaksen sortzailearen egoeraren "ezagutza zehatza" izatea nahi dute, "eskaini zaienaz bestelako ikuspegi batetik".
Assange 2019tik dago preso Erresuma Batuko segurtasun handiko kartzela batean, Ameriketako Estatu Batuetara estraditatzeko zain. Espioitza eta intrusio informatikoko 17 delitu leporatzen dizkiote, besteak beste, Guantanamoko itsas baseari edo Afganistango eta Irakeko gerrei buruzko dokumentu sekretuak zabaltzeagatik.
Stella Assangeren arabera, bere senarrak 175 urteko kartzela-zigorrari aurre egin diezaioke AEBetan, hango Armadak egindako "gerra krimenak, zibilak hiltzea barne, zehatz-mehatz azaltzeagatik".
"Isilarazten ari dira, haren ahotsa espetxean itzaltzen ari dira, gerra industriaren kritikari lotutako intelektual publiko ezagunenetako bat izango baita ziurrenik", baieztatu du Stella emazteak.
"AEBk eredu berri bat sortu du, munduko edozein bazterretan edozein kazetariren jazarri ahal izateko. Herrialde batek orain esan lezake 'ez zait gustatzen guri buruz argitaratzen duzuna, berdin zait belgikarra bazara Belgikan, askatasun lege belgikarrak ez zaizkizu aplikatzen eta estraditatu egingo zaitut'", salatu du.
2022ko azaroan, WikiLeaks plataformaren alde egin zuten hedabideek, besteak beste, The New York Times, Le Monde, El Pais, Der Spiegel eta The Guardian egunkariek, gutun bidez eskatu zioten AEBko Gobernuari Assangeren aurkako prozesua bertan behera uzteko, haien ustez, prentsa-askatasunerako mehatxua zelako.
Era berean, Amnistia Internazionala (AI) eta Human Rights Watch giza eskubideen aldeko erakundeek Assangeren aurkako kargu guztiak kentzea eskatu dute, baina AIk WikiLeaksen sortzailea "kontzientzia preso" gisa katalogatu ez izana deitoratu du haren emazteak prentsaurrekoan.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.